Redenaarsavontuur by Laerskool Bosveld

Maandag- en Dinsdagaand was ons skoolsaal gevul met opgewondenheid, trotse ouers en ‘n paar senuagtige stemmetjies wat reg was om die kollig te betree! Ons redenaarsaande op 17 en 18 Februarie 2025 was ‘n fees van woorde, waar die leerders hul talente en selfvertroue ten toon gestel het.

Maandagaand het ons graad R-3 se spogpraatjies ons vermaak met kreatiewe woorde en groot entoesiasme.

Dinsdagaand het die graad 4-7 leerders hul sê gesê – ‘n mengsel van humor, insig en passie wat die gehoor bekoor het.

Ons is besonders trots op die sewe Afrikaans Eerste Addisionele Taal leerders wat die moed gehad het om saam te kom praat in hul beste Afrikaans!

Laerskool Bosveld is ongelooflik trots op elke deelnemer! Julle het bewys dat julle nie net woorde in die lug kan gooi nie, maar dit met betekenis en selfvertroue kan oordra.

Ons sien uit daarna dat julle vir die res van die jaar lekker gaan raakpraat en steeds nuwe hoogtes in julle redenaarsvermoë gaan bereik.