Like us on Facebook Email UsCall us on: 014 763 2860
Bosveld Crest
LAERSKOOL BOSVELD PRIMARY

Welkom by Laerskool Bosveld Primary

Bosveld O/10’s in semi-finaal

Marno Pepler

 

RugbyRugby

Laerskool Bosveld Primary se O/10 rugbyspan het op Saterdag, 24 Junie, te Warmbad deelgeneem aan die Limpopo semi-finale. Alhoewel die Bossies nie met `n oorwinning kon wegstap teen Laerskool Pietersburg Oos nie, het die spannetjie `n eerbare veggees getoon in `n baie taai wedstryd. Die O/10 span van Laerskool Bosveld Primary en hul afrigters sien reeds uit na volgende seisoen en hoop om volgende keer die beker huis toe te bring.

Die Bossies doen dit weer!

Meraai Grové

 

Boogskiet

Die Bossies doen dit weer!! Laerskool Bosveld Primary is baie trots op Ilis-Mari Venter en Tristan Rautenbach wat gekies is tot die Senior Limpopo span wat in Oktober in die Kaap gaan deel neem vir boogskiet.

Redaksielede maak pizzas

Mercia Joubert

 

redaksielederedaksielede

Groot was die afwagting met die besoek van Laerskool Bosveld Primary se redaksielede by Domino’s Pizza op Dinsdag, 13 Junie 2017. Na `n hartlike ontvangs waar elkeen sy eie “in-opleiding-voorskoot” en “sjef-hoed” ontvang het, het die leersessie `n aanvang geneem. Talle foto’s is geneem, met giggellaggies wat kort-kort tussen die aandagtige konsentrasie gehoor is – nie so maklik om die vorm van `n pizza akkuraat na te boots nie.

 

Grootoog is daar gewag dat die pizzas uit die oond moes kom, waaraan later heerlik gesmul is. Elke redaksielid is met ‘n pragtige sertifikaat beloon vir volgehoue passie en toewyding; danksy Domino’s se passievolle personeel.

Bossies se eie “master chef” en kokkedoortjies

Colette du Plessis

Grade RGrade RGrade R

 

Groot opwinding het geheers tydens Laerskool Bosveld Primary se Gr. R. klas besoeke. Die hoof, Mnr Pretorius het net so lekker saam met die leerders gebak -en- brou. Die week se tema was: Smaak en reuk en almal het gesmul aan hul heerlike, self versierde kolwyntjies. Die leerders kon dit selfs regkry om Mnr Pretorius te oorreed om 'n Bloubul voorskoot te dra (en hy is 'n groot Leeu ondersteuner). Welgedaan Bossie Gr. R’e! So leer ons speel-speel.

Landlopers presteer

Lorize van Wyngaardt

 

Landloop

Die afgelope naweek het die landloop atlete aan die Inter-Provinsiale kompetisie te Bronkhorstspruit deelgeneem.

 

Die Bossies moes omtrent ver ry om te gaan hardloop. Dit was `n bitter koue oggend, maar dit het atlete nie verhinder om deel te neem nie. `n Allemintige 196 atlete het ingeskryf.

 

Die kompetisie was taai en elke atleet het alles uitgehaal tydens die wedloop. Laerskool Bosveld Primary se atlete het goeie prestasies behaal en Friederich Neethling het algeheel negende geëindig. Dit is voorwaar goed vir hierdie jong klong wat hard met moeder aarde kennis gemaak het tydens die wedloop.

Limpopo netbal kampioenskappe

Wiidke Cronk

 

Netball

Op 2 Junie 2017, het Laerskool Bosveld Primary se onder-11 en onder-13 netbal-dogters aan die Limpopo Netbal Kampioenskappe te Polokwane (Pietersburg) deelgeneem.

 

Die dogters sluit die netbalseisoen op ‘n hoë noot af. Die onder-13 span behaal ‘n derde plek in hulle “pool” en die onder-11 span behaal ‘n vierde plek op die kampioenskappe. Ons is trots op elke dogter, dankie vir julle harde werk die seisoen.

Bossies wys hoe!

M Pepler

 

MiniNetballRugby

Laerskool Bosveld Primary het op Saterdag, 27 Mei 2017, `n aangename mini-netbal en –rugby dag aangebied. Ouers het vroeg opgestaan en uit elke uithoek van Limpopo gekom om vir boetie of sussie te ondersteun. Die dag was gevul met heerlike somer weer, kinder-laggies en opgewonde ouer stemme wat hul kinders aanmoedig langs die baan. Die OOV se Bossie-mammas het heerlike kos gemaak en sodoende verseker dat almal se mae vol bly.

 

Laerskool Bosveld Primary se kinders en ouers sien reeds uit na volgende jaar se seisoen, en bedank hul almal wat `n bydrae gemaak het om vanjaar so `n groot sukses te maak.

Bossie-boogskuts tops!

M Grové

 

Archery

Laerskool Bosveld Primary se skuts het die afgelope naweek aan die jaarlikse Provinsiale kompetisie deelgeneem by Lephalale Primary.

 

Die skuts was slaggereed met pyl en boog en het hul beste gegee op die baan. Tristan Rautenbach wen 1ste plek onder junior seuns en verbeter die Limpopo rekord. Willie Boshoff wen 'n 3de plek onder junior seuns.

 

Ilis-Mari Venter wen die 1ste plek onder junior dogters en verbeter die Limpopo rekord. Sy is ook die algehele wenner van die dag uit al die junior en senior spanne met `n puntetelling van 291 uit 300.

 

Welgedaan Bossie Boogskiet!

Graad een ope dag by Laerskool Bosveld Primary

L Trichardt

 

OpedagOpedag

Laerskool Bosveld Primary het hul Gr R en Gr 1 ope dag gehou op 24 Mei 2017, by die skool. Die kleuters van Hansie en Grietjie, Kammaland, Sonskyn Paradys en Laerskool Bosveld Primary het die spoggeleentheid bygewoon. `n Betowerende “Frozen” sneeu-wêreld in die skoolsaal het op die 130, opgewonde kleuter-gesiggies gewag.

 

All the learners were very excited to build their own Olaf snowman and decorate their own cupcakes, singing along with Frozen’s Elsa and Anna’s song.

 

Die kleuters het geknip en geplak, gebak en brou en heerlik saam met die juffrouens en maats gekuier. Spur het die kleuters verras met `n burger en hulle het behoorlik weggelê!

 

Thank you to each person that made this day a huge success. Laerskool Bosveld Primary hope to see all the learners next year!

Bobaas boogskuts

Marno Pepler

 

Archery

Laerskool Bosveld Primary se boogskiet-span het weereens skoonskip gemaak onder hul opponente te Hoërskool Ellisras, op 13 Mei 2017.

 

Ilis-Mari Venter was oudergewoonte die voorbok en het met die junior-meisies titel weggestap. Tristan Rautenbach, die Bosveld se opkomende Robin Hood het ook sy merk gemaak en weggestap met die junior-seuns se goue medalje.

 

Laerskool Bosveld Primary het hul dankbaarheid te kenne gemaak vir die goeie aanbieding van die kompetisie deur Hoërskool Ellisras.

Landlopers trotseer koue weer

Lorize van Wyngaardt

 

Landloop

Laerskool Bosveld Primary se landloop atlete het op 13 Mei 2017, deelgeneem in Polokwane. Die atlete moes koue reënweer trotseer en ten spyte van gure weer, het Friederich Neethling ‘n eerste plek behaal in sy item. Al die ander atlete het ook baie goed gevaar in hulle items. Laerskool Bosveld Primary is trots op die landloop atlete wat so goed doen en voorspel `n goeie landloop-seisoen.

Bossies hou koers

Marno Pepler

 

Rugby

Laerskool Bosveld het gaste ontvang op 11 Mei 2017. Laerskool Krugerpark het diep in die bosveld kom kuier by die skool.

Die dag sal onthou word as `n dag van ongekende sportgees-kompetisie waar byna alle tellings naelskraap dieselfde was. Die O/10 span van Bosveld Laerskool Primary het veral opslae gemaak met hul taai wedstryd, maar het eindelik die wa deur die drif getrek met `n eindtelling van 10-5.

Die res van Laerskool Bosveld Primary se rugbyseisoen beloof om nog meer boeiend te wees.

Bossie-boogskuts se kokers kook!

Marno Pepler

 

Archery

Op Saterdag, 6 Mei 2017 het Laerskool Bosveld Primary `n Skaaploop boogskiet-kompetisie aangebied. Daar was `n Koedoe en Rooibok as prys beskikbaar, biltong geskenkbewys en ook `n spa-behandeling. Die deelnemers kon pyle skiet en die persoon met die meeste punte in die eindrondte het gewen. Koedoe drol-spoeg is aangepak deur `n paar brawe manne en kinders. Die Koedoe drol-spoeg is gewen deur Derrick en Bart Grove.

Die Bossies het gewys waartoe hul in staat is op hul tuis grond en het die opponente laat bontstaan. Ilis-Mari Venter het skoonskip gemaak met haar nuwe persoonlike beste sowel as `n nuwe rekord vir Limpopo junior meisies.

Die wenner van die Skaaploop kompetisie is ook reeds bekend gemaak en Wayne Mundirwa was die gelukkige wenner van `n skaapkarkas. Die koedoe en rooibok is gewen deur Ilis-Mari Venter, die geskenkbewys van Connie’s plants is gewen deur Cobus Nelson.

Volgende jaar doen die skool dit nog beter!

Bossies praat by ATKV - eerste rondte

Colette du Plessis

 

Redenaars

Nie minder nie as 6 redenaars van Laerskool Bosveld Primary het Vrydag, 5 Mei aan die eerste rondte van die ATKV- redenaars deel geneem. Met interessante onderwerpe soos: Skoolgaan is maar 'n goggarige gedoente en Tegnologie kan nooit die rol van klei vervang nie, het die bossie behoorlik geredeneer.

Dit was groot pret en die uitslae sal binnekort beskikbaar wees.Dit was groot pret en die uitslae sal binnekort beskikbaar wees.

Bossies se eerste landloop liga

Lorize Marx

 

Landloop

Die afgelope naweek het Laerskool Bosveld Primary hulle eerste landloop-liga bygewoon te Settlers. Die atlete het goed gevaar en ons sien baie uit na die seisoen wat voorlê. Ons wens elke landloop atleet sterkte toe vir die seisoen.

Laerskool Bosveld Rugby proewe

Ettienne Venter

Rugby

Op Dinsdag 2 Mei, het 4 van die Bossie-seuns rugby-proewe gaan speel te Laerskool Nylstroom. Die o/12 seuns het eerste gespeel waar Albert du Plessis die Bossies verteenwoordig het. Dit was 'n harde wedstryd en die spelers moes hulle beste uithaal.

Die o/13 seuns het daarna kragte gemeet waar Willy Mojela, Koketso Ledwaba en Robbie de Klerk die skool verteenwoordig het. Die spelers het goed gespeel en hul kant gebring. Willy Mojela is gekies om deel te neem aan die volgende rondte proewe wat op 13 Mei 2017 te Pietersburg sal plaasvind.

Laerskool Bosveld Primary is trots op elke speler wat aan die proewe deelgeneem het!

Birthday Wishes

Bossie boogskuts

Michelle Grobler

 

BoogskietBoogskiet BoogskietBoogskiet

Die Boogskuts van Laerskool Bosveld Primary het Saterdag, 22 April 2017 deelgeneem te Waterberg Akademie in Vaalwater. Dit was ‘n suksesvolle dag vir die Bossies.

Die Bossies het ‘n algehele 3de plek bekom. Tristan Rautenbach het 3de geëindig in die “Rising Star” Goud Kategorie en Ilis-Mari Venter het ‘n 2de plek gekry in die “Rising Star” Rooi Kategorie.

Ilis-Mari Venter het ook ‘n 1ste plek behaal vir die Junior Meisies en Tristan Rautenbach het ook ‘n 1ste plek verkry vir Junior Seuns, Brandon Perrier verkry 2de plek vir Junior Seuns.

Tristan Rautenbach verkry ‘n globale 3de plek vir die kompetisie. Dit was ‘n uitmuntende geleentheid vir die boogskuts om hulle Bossie-staal te wys. Die volgende kompetisie is die 6de Mei 2017 by Laerskool Bosveld Primary.

Bossies se Netbal-dogters skitter op Super 8.

Wiidke Cronk

 

Netbal

Die afgelope naweek van 21-22 April het Laerskool Bosveld Primary se rugby en netbal spelers aan die jaarlikse Super 8 toernooi in Pietersburg deelgeneem.

Laerskool Bosveld Primary se netbal-dogters het behoorlik geskitter op die baan, drie van ons spanne behaal ‘n derde plek in hul ouderdomsgroep en die netbal behaal ‘n algehele derde plek op super 8.

Ons is baie trots op al ons netbal-dogters, julle was puik. Dankie aan elke afrigter en speelster se harde werk, ons het die vrugte gepluk!

Bossie-manne takel Polokwane

M Pepler

 

Rugby

Die afgelope naweek van 21 en 22 April, het Laerskool Bosveld Primary se rugbyspanne opgetrek na Polokwane om deel te neem aan die Super 8 toernooi wat elke jaar daar aangebied word deur Noordskool.

Ten spyte van strawwe kompetisie het die Bossies hul beste gelewer. Die o/11-span het die beste gevaar en het verseker `n rede om breëbors rond te stap. Die rugbyspelers het verskeie nuwe tegnieke waargeneem en gaan haard oefen om dit toe te pas. Intussen berei die Bossies voor vir `n moeilike, dog opwindende seisoen wat voorlê.

Mini-netbal kook

Nikita Botha

 

MiniNetballMiniNetball

Laerskool Bosveld Primary se Mini-Netbal en Mini-Bulletjie Rugby, het hulle seisoen begin op Saterdag, 22 April te Laerskool Nylstroom.

Die seuns en dogters het hard gewerk van voor die vakansie af en was kinderlik opgewonde om hulle nuwe vaardighede vir hul pappas en mammas te wys.

Albei groepe het pragtig gespeel en die dag ten volle geniet. Die kinders het baie geleer uit hul wedstryde en sien uit na hul oefeninge om hierdie nuwe idees toe te pas.

Elke ouer kan trots wees op hul kind wat goeie sportmanskap en respek betoon het op die sportveld. Ons is baie trots op ons Bossies en sien saam met hulle uit na die res van ons Mini-Netbal en -Bulletjie rugby seisoen wat voorlê.

Laerskool Bosveld Primary Junior Koor

Retha Powell

 

Koor

Laerskool Bosveld Primary se Junior Koor het Saterdag, 25 Maart by die NG-Kerk Wes se Maroela fees opgetree. Die leerders het pragtig gelyk in hulle rooi serpe en hulle stemme was betowerend binne die kerk. Baie dankie aan elke leerder wat deelgeneem het, julle het ons skool se naam hoog gehou.

Bossie Atlete blink uit

Erika Swanepoel

 

Atletiek

Agt van Laerskool Bosveld Primary se atlete het aan die Limpopo Atletiekbyeenkoms deelgeneem op 11 Maart 2017. Die Bossie atlete het hulle goed van hulle taak gekwyt en die volgende atlete het deurgedring na die SA’s:

 

Charlize du Plessis wen die 200m hekkies – dogters o/13 .

Tebogo M’Khomazi kom tweede in die 200m hekkies – seuns 0/13.

Wikus van Schalkwyk kom tweede in die hoogspring – seuns 0/10.

 

Hierdie drie atlete kwalifiseer ook om aan die SA’s deel te neem wat in Potchefstroom plaasvind op 25 Maart 2017. Baie sterkte, die skool is trots op julle!

Bossies gaan groot

M Pepler

 

NetbalRugby

Op Saterdag, 11 Maart 2017, het Laerskool Bosveld Primary se Netbal -en Rugbyspanne opgetrek na Mokopane om kragte te gaan meet te Laerskool Krugerpark.

 

Bosveld se rugbyspanne het te staan gekom teen Polokwane se Noordskool, en dit was tydens dié kragmeting dat die onder 9 Bosveld-span hulself bewys het met `n puik resultaat van 17-5.

 

Laerskool Bosveld Primary se Netbalspanne het die kersie op die koek geplaas. Hulle het 21 wedstryde gewen. Hierdie veteraan-Netbalspelers het die baan deurgaans verower en wen die meeste van hul wedstryde. Laerskool Bosveld Primary se afrigters is gemotiveerd, positief en het beslis rede om uit te sien na `n opwindende en suksesvolle seisoen.

Departementele aanstellings by Laerskool Bosveld Primary

Annie Krugel

 

Staff

Na `n lang gewag is Me Santjie Wolstenholme aangestel as DPS en Me Karin Meyers as DPO by Laerskool Bosveld Primary, effektief vanaf Januarie 2017. Hierdie twee dames los al `n paar jaar af in die bogemelde poste en doen uitmuntende werk. Die Bossies is trots op die twee flinke dames.

Interskole Boogskiet

Annie Krugel

 

Boogskiet

Laerskool Bosveld Primary is verteenwoordig deur twee formidabele boogskuts te Rustenburg op 11 Maart 2017, wat hul goed van hulle taak gekwyt het by die Interskole byeenkoms. Tristan Rautenbach het sy bes probeer en Ilis-Mari Venter het `n tweede plek onder die junior dogters behaal. Haar totaal was 276.

Gauteng boogskiet kompetisie

 

Boogskiet

Ilis-Mari Venter van Laerskool Bosveld Primary het die afgelope naweek in Gauteng te Riebeeckstad skool deelgeneem aan `n boogskiet kompetisie. Sy het weereens as wenner van die junior dogters uitgetree. Jy is voorwaar `n Bossie om op trots te wees!

Spogbyeenkoms by `n Spogskool

Mercia Joubert

 

SportbyeenkomsSportbyeenkoms

Vir Laerskool Bosveld Primary was dit Saterdag, 4 Maart 2017 `n eer en `n voorreg om as gasheer- skool vir 11 skole tydens streek 1 se Rugby- en Netbaldag op te tree. Nie net is die hoofde, afrigters en beamptes op glansryke wyse ontvang nie, maar die besoekende skole was dit eens dat die skool se terrein `n lushof is, met uitmuntende fasiliteite.

 

Laerskool Bosveld Primary se sportspanne het ook uitstekende welslae behaal. Die rugbyspanne het 6 van hulle 7 wedstryde gewen en die netbal behaal 17 oorwinnings uit 26 wedstryde en speel in twee wedstryde gelykop.

 

Om so `n skitterende dag aan te bied sal egter onmoontlik wees sonder die oop hand van die borge, u reuse aandeel en positiewe gesindheid word opreg waardeer – kinders kan net floreer in sport, as daar positiewe ondersteuning van ouers, afrigters en die gemeenskap is. Die skool bedank elkeen wat hard gewerk het om `n sukses te maak van die heuglike dag.

Bossie Kidz raak kreatief

Annie Krügel

 

Bossie KidzBossie Kidz

Die Bossie Kidz het hulle verf talent uitgetoets op 27 Februarie 2017, by Laerskool Bosveld Primary se nuwe lapa. Die leerders moes elkeen `n spoelklip bring en dit verf. Die organiseerder het verskeie voorbeelde aan die leerders gegee en elkeen kon sy of haar kreatiwiteit na hartelus uitleef

 

Die leerders het hulself gate uit geniet en hul kunswerk is trots huis toe geneem. Die leerders is bederf met `n ysie na die tyd. Dankie aan elke leerder wat die skool se waardes uitleef by die Bossie Kidz.

Bossies kan redeneer

Colette du Plessis

 

Redenaars

Voor links na regs: Anneme Stander, Janco Sparks, Joshua Young, Helene Besseling.
Agter links na regs: Ronaldo Hlong, Divan Gerber, Branden Perrier, Ruan Mostert, Daniel Leahy.

Op 21 Februarie 2017, het Laerskool Bosveld Primary hulle jaarlikse Redenaarsaand gehou. Die leerders was baie goed voorbereid en 'n volle 46 redenaars het deelgeneem.

 

Die AKTV onderwerpe was onder andere reënboog, goggas, note, blou ens., en daar was behoorlik geredeneer van Gr. R tot Gr.7. Baie geluk aan al ons Bossies met jul hoë standaard van toesprake en geluk aan ons wenners.

TOETS DATUMS

 

28 Februarie 2017 - NWT/NT

2 Maart 2017 - Geografie

7 Maart 2017 - Tegnologie

9 Maart 2017 - LV, LO

14 Maart 2017 - Skeppende Kuns

16 Maart 2017 - Geskiedenis

Boogskiet groei

Meraai Grové

 

Boogskiet

Op die foto is Casandra Gameiro wat aan haar eerste kompetisie deelgeneem het.

LDie boogskiet by Laerskool Bosveld Primary groei elke jaar van krag tot krag en 2017 is geen uitsondering nie.

 

Die Bossies het Saterdag, 11 Februarie 2017, aan die eerste Interskole kompetisie vir die jaar deelgeneem by Hoërskool Ellisras.

 

Soos gewoonlik het die Bossie leerders hulle staal gewys en `n derde plek losgeslaan uit die vyf skole wat deelgeneem, het Ilis-Mari Venter is aangewys as die beste junior dogter van die dag. Tristan Rautenbach is aangewys as die beste junior seun van die dag.

 

Hou so aan Bossies, julle maak ons trots.

Bossies presteer by Streek Atletiekbyeenkoms

Erika Swanepoel

 

Atletiek

Laerskool Bosveld Primary se Atletiekspan neem Vrydag, 3 Februarie 2017 deel aan die Streek Atletiekbyeenkoms deel te Ellisras Laerskool.

 

Die Bossies behaal agt eerste plekke, agt tweede plekke en vier derde plekke. Nege atlete kwalifiseer om aan die Limpopo Atletiek Kampioenskappe op 10 Maart 2017 te Polokwane, deel te neem. Die skool se ster is Tebogo M’khomazi, wat as atleet van die dag aangewys is.

 

Baie geluk aan die atlete en sterkte met die voorbereiding vir die byeenkoms. Laerskool Bosveld Primary is baie trots op al die atlete wat deelgeneem het.

Bossie atletiek

Charlie Brandt

 

Atletiek

Vrydag, 3 Maart 2017 was `n heerlike dag vir die jaarlikse Area Atletiekbyeenkoms te Mogolklub. Atlete van die Palala area het deelgeneem aan die byeenkoms.

 

Die Atletiekbyeenkoms is aangebied deur Laerskool Bosveld Primary en Juffrou Erika Swanpoel se bestuursvernuf het weereens gesorg vir `n uitstekende byeenkoms. Laerskool Bosveld Primary se atlete het 19 eerste plekke, 13 tweede plekke en 15 derde plekke behaal. Daar het 25 atlete deurgedring na die Streeksbyeenkoms wat op Vrydag, 10 Maart by Ellisras Laerskool gaan plaasvind.

 

Baie sterkte aan die Bossies – die skool is trots op julle!

Student Council Camp 2017

Deoné Barnard

 

LeierskampLeierskampLeierskamp

Laerskool Bosveld Primary’s student council went on their annual camp from 20-21 January 2017 at Sebe Sebe Lodge. Team building was the main purpose and they also had lots of fun.

 

Met die aankoms was dit tyd vir `n verkwikkende swem-sessie, nadat elkeen hul kamer gevind het. ’n Bosveld-vuur het `n aangename atmosfeer geskep vir `n heerlike saamkuier en ken-mekaar geleentheid.

 

Saterdag was ‘n dag propvol verskeie speletjies en spanbou aktiwiteite wat deur almal benut was om mekaar beter te leer ken en dit was hope pret.

 

The Student council members would like to thank the staff from Sebe Sebe Lodge and our student council guardians for this wonderful experience. We’re looking forward to serve in 2017!

Newsletter 11 - Fourth Term 2016

Important Dates

Nuusbrief 11 - Vierde Kwartaal 2016

Belangrike Datums

LEIERSAFSLUITING 2016

Derik van Niekerk
Leiersadsluiting

Die jaar het gevlieg. Verlede jaar hierdie tyd was ons vars verkies as leiers vir 2016 en Vrydagaand 28 Oktober het ons ons afsluitingsfunksie gehou.

 

Spoggerig geklee het ons opgedaag by Olden Rose Gastehuis en ons is behoorlik bederf. Vandat ons gearriveer het totdat ons vertrek het. Heerlike gekookte kos is voorgesit en vir nagereg het ons gesmul aan wafels en roomys. Ons het baie waardering vir die moeite wat gedoen is! Daar is baie lekker saamgekuier en baie gelag!

 

‘n Groot dankie aan ons voogde wat ons deur die jaar bygestaan het: Juf Meraai, Mnr Charlie, Juf Sonja en Mnr Zirkie, julle is 4 uit ‘n biljoen!

 

Graag bedank ons ook Mnr Pretorius en Juf Karen vir hul ondersteuning en ook Ds Bernard vir u leiding.

 

Baie sterkte vir die eksamen en leef ons Bossies se waardes uit waar jul ook volgende jaar mag wees!

 

Persevera!

Leerlingraad 2017

Leerlingraad

Heel Agter
Mokgadi Tlhako, Charles Trollip, Adri Barnard, Branden Perrier, Wessel Pelser, Tebogo M'khomazi.

Agter
Jesse Diergaardt, Ilis-Mari Venter, Zimkita Dyani, Nicole Nel, Preston Modise, Paballo Majadibodu, Oratile Marakalala.

Voor
Charlize du Plessis, Kgokso Mohlamela, Shoki Mothiana, Rienhardt Pretorius, Juan Farrell, Shawn Oosthuizen, Thato Ntimane, Robbie de Klerk.

Heel Voor
Ronaldo Hlong, Thando Sthosana, Nicolas Louw, Thato Malulek, Lizelle vd Berg, Lethabo Ngoepe, Mikyla Davies.

Bossies swem graag!

Gerlien Pavier
SewmSwem
SwemSwem

Laerskool Bosveld Primary het Vrydag, 21 Oktober te Warmbad aan die Interskole gala deelgeneem.
Elke Bossie swemmer het sy beste gedoen. Dankie vir julle harde werk.

Ons is trots op elkeen van julle!
Persevera!

Newsletter 10 - Fourth Term 2016

Important Dates

Nuusbrief 10 - Vierde Kwartaal 2016

Belangrike Datums

Bossie skuts gaan Nasionals toe

Michelle Grobler
ArcheryArchery
ArcheryArchery

Laerskool Bosveld Primary se 14 boogskuts het Vrydag die 14de Oktober 2016 en Saterdag die 15de Oktober 2016 aan die Nasionals kompitisie by die Equi-dome in Johannesburg deelgeneem teen verskeie spanne van Gauteng, Noord-Wes, Wes- Kaap, Mpumalanga, Oos-Kaap, Noord-Kaap, Vrystaat en KwaZulu-Natal.

 

Die boogskuts wat deelgeneem het was JP van der Westhuizen, Elné Terblanche, Ilis- Mari Venter, Kabelo Ntwampe, Yoosuf Rossier, Kiara Verwey, Lynnette Sakala, Derik van Niekerk, Tsakane Nkuna, Mischka Witbooi, Eduan Engelbrecht, Waldo Maritz, Tristan Rautenbach en Willie Boshoff. Dit was ‘n baie suksesvolle naweek met baie opwinding. Die boogskuts het dit baie geniet en dit was vir hulle ‘n groot ondervinding. Hule het baie geleer en goed presteer. Hulle kan trots wees op hulle self. Wel gedaan Bossies. Ons is baie trots op julle.

Bossies konsert - ONS SHOW

KonsertKonsertKonsertKonsert

Foto's deur: Sarie du Toit

 

Dit was een groot aand vol lag en plesier

Bossie Boogskiet

Michelle Grobler
ArcheryArchery
ArcheryArchery

Laerskool Bosveld Primary se boogskuts het Saterdag, 17 September aan ‘n boogskiet kompetisie in Vaalwater deelgeneem teen Waterberg Academy, Hoërskool Ellisras en ‘n paar boogskuts vanaf Koster.

 

Tristan Rautenbach het ‘n tweede plek behaal in Junior seuns en Waldo Maritz ‘n derde plek behaal. Lynette Sakala het ‘n tweede plek in Junior meisies behaal. Laerskool Bosveld Primary het tydens die kompetisie ‘n algehele derde plek behaal uit vier spanne wat deelgeneem het. Ons volgende kompetisie is Nasionaal en dit word in Gauteng aangebied. Die Bossie-skuts gaan teen die spanne van Gauteng, Noord-Wes, Vrystaat, Kaap en Mpumalanga te staan kom. Baie sterkte aan die dapper skuts – die skool hou duim vas vir goeie resultate.

Swem Bossies swem!

Gerlien Pavier
Swem

Laerskool Bosveld Primary het Donderdag, 15 September die jaarlikse Interhuis gala gehad.

 

Die water het behoorlik gespat met al die leerders wat die koue water aangedurf het.

 

Die Junior Victor Ludorum is Roelof Taljaard en Victrix ludorum is Nika Snyman. Die Senior Victor Ludorum is Nicolas Louw en Victrix ludorum is Ané Besseling.

 

Ons sien baie uit na die swemseisoen met al die rekords wat verbeter is!

Mini-Krieketdag

Pierre Hugo
Krieket

Op Saterdag, 17 September het Laerskool Bosveld Primary, hulle jaarlikse Mini-krieketdag aangebied. Skole soos Laerskool Koedoeskop, -Unitas en -Platina het die opwindende dag bygewoon. Die wedstryde was in perfekte gees en weer gespeel. Die ontwikkeling van krieket as sport, is die hoofrede vir die aanbieding van so ‘n dag en die skool kan met ‘n geruste hart sê dat daar definitief entoesiastiese jong krieket talent by Laerskool Bosveld Primary is.

Bossie onder 11`s slaan opponente vir `n ses

M Pepler
Krieket

Op die 9de en 10de September was daar weer geleentheid gegun om aan die jaarlikse ses aan `n kant kriekettoernooi deel te neem te Thabazimbi. Die toernooi, wat georganiseer word deur Laerskool Koedoeskop en aangebied word op Hoërskool Frikkie Meyer, het met `n winkende oog na die onder 11 Bossie span geloer.

 

Nadat Laerskool Bosveld se spelers met vier spanne afgereken het, kon hul eindelik die trofee omhoog hou en as oorwinnaars terugkeer. Die span en hul afrigters is baie trots op die prestasie wat die o/11’s behaal het, en is opgewonde oor die res van hul seisoen.

Laerskool Bosveld Primary Hokkie-bokkies neem deel aan streekproewe

M Fleetwood
Hokkie
Hokkie

Die afgelope Woensdag het twee van Laerskool Bosveld Primary se hokkie-spanne naamlik 0/11 en 0/13B deelgeneem aan die Streekproewe. Hulle het ontdek dat deursettingsvermoë, tegniek en goeie spangees mens ver kan bring. Die 0/13B- span dring dan ook deur na die finale wat op 17 September in Tzaneen plaasvind.

 

Die Bossies wens hierdie span baie sterkte toe.

Hokkie

M Fleetwood
Hokkie

In die afgelope hokkie seisoen het die hokkie dogters geleer dat harde werk vrugte afwerp. In die week wat voorlê gaan twee van Laerskool Bosveld Primary se hokkie spanne deelneem aan die streeksfinale. Baie sterkte meisies!

Provinsiale Boogskiet saam die Bossies

M Pepler
Boogskiet

Laerskool Bosveld Primary was bevoorreg om op 3 September, Limpopo se provinsiale boogskietkompetisie aan te bied. Die eerste plek is beklee deur Waterburg Academy se hoërskoolspan terwyl tweede en derde plek onderskeidelik deur Hoërskool Ellisras en Laerskool Bosveld Primary ingeneem is. Die gewone ster-skuts het oudergewoonte die voortou geneem.

 

Tristan Rautenbach het die goue medalje oor sy kop getrek vir die Junior seuns en so ook Ilis-Mari Venter vir die Junior dogters. Lephalale Primary, Lephalale se opkomende boogskuts, het ook die aangeleentheid bygewoon en met entoesiasme deelgeneem.

Laerskool Bosveld se Revue vermaak by Krokodil Karnaval

Dune Gouws
Revue

Die revue-kultuurdiere van Laerskool Bosveld Primary het die afgelope naweek die mense vermaak by die Krokodil Karnaval te Mogol Klub. Die groep oefen weekliks om te verseker dat hulle gesinchroniseerd optree. Dit was 'n puik optrede en die mense het dit terdeë geniet! Die afrigters is baie trots op die revue-groep van 2016!

Senior Bossies verf Pretoria rooi

Gr 7

Met 98 siele aan boord het twee busse op 23 Augustus, vanaf Laerskool Bosveld Primary vertrek. Hul eindpunt was die stad se liggies om sodoende die jaarlikse Graad7-Toer te onderneem. Mnre. Du Plessis en Pepler, sowel as Me Joubert en Me De Swardt, het die kinders begelei op hul avontuur.

 

Menigte aktiwiteite, onder meer ysskaats, `n besoek aan Gold Reef City om die bloeddruk op te jag en die Dieretuin het op hulle gewag. Die graad 7-leerders van Laerskool Bosveld Primary blyk die ondervinding baie te geniet het, veral omdat dit vir `n groot getal van die leerders `n eerste ervaring was.

Graad 1’s besoek Eventeria

Linda Erasmus
Gr 1

Op 26 Augustus 2016, was dit weer tyd vir Laerskool Bosveld Primary se graad 1-leerders se jaarlikse uitstappie na Eventeria. Die busse het om 7 uur die oggend vertrek en die atmosfeer was gevul met opgewondenheid.

 

Soos altyd was dit ‘n heerlike, opwindende en opvoedkundige dag. Al die leerders het dit baie geniet en sommer baie geleer. Selfs op pad terug was daar nie een stil oomblik op die bus nie. Die mammas en pappas gaan nog lank hoor van die tiere, leeus en al die ander diere wat hulle gesien het.

 

Dit was voorwaar vir almal ‘n belewenis!

Bossies gaan Bos toe...

Charlie Brandt
Gr 6

JUBAWENI - Die gr.6 leerders van Laerskool Bosveld Primary het die week van 23 - 26 Augustus hul jaarlikse Oos-kamp bygewoon. Die leerders het aan die volgende aktiwiteite deelgeneem, literia-baan, hindernisbaan, nagmars, lantern bekruip en nog vele meer. Natuurlik is daar ook besoek afgelê aan Kosie se grot wat leerders behoorlik laat hoendervleis kry het. Daar is ook lekker gelag en kampkonsert opgevoer. Die doel van die kamp was om spanwerk en spanbou onder die leerders te bevorder. Dit was 'n wonderlike en onvergeetlike avontuur vir almal.

Bossies debatteer oor voor en nadele van " die lepel inlê".

Colette du Plessis
Debat

Tema: Is daar nog plek vir lyfstraf in skole Ja/Nee

 

Hierdie onderwerp is behoorlik beredeneer op Laerskool Bosveld Primary se Debataand wat op 17 Augustus, plaasgevind het.

 

Die voorstaanders en teenstaanders het mekaar behoorlik laat les opsê oor hierdie uiters debatteerbare onderwerp. Aan die einde van die aand het die Voorstaanders die beoordelaars oorreed dat daar wel plek is vir lyfstraf in skole. Welgedaan Bossies!

Skaakmiddag by Laerskool Koedoeskop

Colette du Plessis
Chess

Laerskool Bosveld het Woensdag , 17 Augustus 'n leersame skaakmiddag by Laerskool Koedoeskop bygewoon. Die leerders het in 'n rondomtalie toernooi gespeel en elke skaakspeler het geleentheid gekry om drie wedstryde te speel. Skaak het geseëvier en almal het iets nuuts geleer.

Tennis teen Vaalwater

Wannie Viviers
Tennis

Die tennisspelers van Laerskool Bosveld Primary het hul weer goed van hul taak gekwyt verlede Donderdag met hul wedstryde teen Laerskool Vaalwater.

 

Die spelers het hul bes gedoen en die A-span dogters en B-Span seuns was algehele wenners van die dag.

 

Die volgende spelers het hul enkels-wedstryde gewen:

Anika van Rooyen, Anika Lampbrecht, Sariëtte Pretorius, Tamia Oakes, Ruan Prinsloo, Wiaan van der Westhuizen en Albert von Rönge.

 

Die volgende dubbelpare het ook hul wedstryde gewen:

Ruan en Manu; Wiaan en Albert; Janco en Erhard.

 

Julle is Bossies om op trots te wees, hou so aan!

Krieket is pret

Jimmy du Plessis
Krieket

Bosveld het ‘n goeie week met hul ligawedstryde teen Laerskool Warmbad gehad, waar drie van die vier spanne hul wedstryde gemaklik gewen het. Die O/10-spannetjie het met 8 paaltjies gewen en Albert von Rönge het 37 lopies aangeteken. Die O/11-spannetjie het met 95 lopies gewen en Ruan Mostert het ‘n pragtige 96 onoorwonne lopies aangeteken. Die 2 de span het ook gemaklik gewen met 88 lopies danksy ‘n vegtersbeurt deur Robbie de Klerk van 47 onoorwonne lopies. Die 1 ste span het met 1 paaltjie verloor ten spyte van Dillen Buys se puik 56 lopies.

 

Bosveld sien uit na hul deurslaggewende ligabepaling teen Laerskool Thabazimbi wat op 6 en 8 September plaasvind.

Vier Bossies deur na Waterberg Proewe

Jimmy du Plessis
Krieket

Vier seuns van Laerskool Bosveld Primary het op Vrydag, 19 Augustus tydens die Kringproewe vir hulself ‘n plek oopgespeel om eerskomende Saterdag aan die Waterberg Streekproewe deel te neem. Die seuns is Ruan Mostert en Erhard Geyser (albei O/11), Tebogo M’khomazi (O/12) en Dillen Buys (O/13).

 

Bosveld het ook ‘n goeie week met hul ligawedstryde teen Laerskool Warmbad gehad, waar drie van die vier spanne hul wedstryde gemaklik gewen het. Die O/10-spannetjie het met 8 paaltjies gewen en Albert von Rönge het 37 lopies aangeteken. Die O/11-spannetjie het met 95 lopies gewen en Ruan Mostert het ‘n pragtige 96 onoorwonne lopies aangeteken. Die 2 de span het ook gemaklik gewen met 88 lopies danksy ‘n vegtersbeurt deur Robbie de Klerk van 47 onoorwonne lopies. Die 1 ste span het met 1 paaltjie verloor ten spyte van Dillen Buys se puik 56 lopies.

 

Bosveld sien uit na hul deurslaggewende ligabepaling teen Laerskool Thabazimbi wat op 6 en 8 September plaasvind.

Mini-Bossies kook

Marno Pepler
Mini Krieket

Laerskool Bosveld Primary se jong krieketspelers het op die 20ste Augustus die pad na Laerskool Koedoeskop aangedurf. Daar het hulle onder andere vir Laerskool Koedoeskop en Laerskool Platina op die krieketveld tëegekom. As dit gekom het by vernuf in dié spel was daar min wat die Bossies kon stuit, hul het veral die voortou geneem met die kolf in die hand. Met dié klomp mini-krieket spelers is Bosveld se jongbloed beslis `n groupie om stip dop te hou.

Boogskiet Bossies kraai koning

Marno Pepler
Boogskiet

Die Bossies boer al lank op die boogskiet bane en op Saterdag, 13 Augustus het Bosveld hulself weereens gevestig as bobaas skuts.

 

Die kompetisie het plaasgevind te Waterberg Academy, Vaalwater. `n Aantal van vier spanne het deelgeneem. Dit is: Laerskool Bosveld Primary, Waterberg Academy se laerskool en hoërskool spanne sowel as Hoërskool Ellisras. Al die spanne het meegeding ten spyte van ouderdomsverskille.

 

Die ouderdomsverskil het egter nie die Bossies ontmoedig nie. Hul het op `n algehele 2de plek hulself neergepen vir die boeke. Onder die ster Bossies was Ilis-Mari Venter wat almal getroef het en die algehele eerste prys saam huis toe gevat het.

Bosveld se hokkie bokkies kook

M Fleetwood
Hokkie

Laerskool Bosveld se hokkie bokkies het hierdie jaar se hokkie op `n positiewe noot begin. Tot dusver is die 0/13 B span nog onoorwonne. Die ander spanne vaar ook goed. Dankie vir julle goeie gesindheid hokkie bokkie! Kom ons maak hierdie ‘n wen seisoen!

Skaakmiddag by Laerskool Bosveld Primary

Colette Du Plessis
ChessChess

Dit was met groot opgewondenheid dat Laerskool Bosveld Primary die eerste skaakwedstryd vir die seisoen aangebied het op Woensdag, 10 Augustus 2016.

 

Die Bossies was slaggereed en het al hulle breinkrag ingespan en die leerders kon behoorlik hul skaakvaardighede benut en het nie minder as vier rondtes skaak gespeel nie. Laerskole Platina, Koedoeskop en Hardekool Akademie het hierdie leersame skaakmiddag met die Bossies gedeel.

Laerskool Bosveld Primary Tennis

Wannie Viviers
Tennis

Die A en B – span tennisspelers van Laerskool Bosveld Primary het op Woensdag, 10 Augustus 2016, hulle goed van hulle taak gekwyt teen Laerskool Krugerpark. Die tennisspelers het alles ingesit en die A-span spog met ‘n wedstryd wat gewen is en ‘n wedstryd wat gelykop geëindig het. Vir die eerste keer in die liga wat die afgelope drie jaar gespeel word, is meer wedstryde gewen as in die verlede.

 

Bossie-spelers spog met ‘n algehele oorwinning teenoor Warmbad en Marble Hall. Die A-span dogters het Julian Miller ook gewen. Daar word met groot afwagting uitgesien na die oorblywende twee liga-wedstryde vir die seisoen.

Bossies spog met 11 landlopers in Limpopo span

Lorize Marx
Landloop

Laerskool Bosveld Primary maak geskiedenis deur vir die eerste keer in 30 jaar, 11 leerders in die Limpopo Landloop span te hê. Dit is die beste verjaarsdag geskenk wat hierdie atlete aan die skool gegee het.

 

Die atlete het hard gewerk die afgelope seisoen en verdien werklik om in die span te wees. Hierdie landlopers het tot in die vakansie kom oefen om top-fiks te wees.

 

Die kampioenskappe vind op 10 September plaas in George. Die skool is baie trots op die landlopers en wens hulle alle voorspoed toe.

 

Die volgende leerders is in die Limpopo span: Voor Joshua Young; Carli Botha; Luane vd Neut; Nika Snyman; Keagen Morgen. Agter : Anika v Rooyen; Arno Besseling; Derik Besseling; Sheldon Morgen; Kwena Makgamagha en Tebogo Mikhomazi.

Bosveld begin die nuwe seisoen positief

Mnr. Jimmy du Plessis
Tennis

Laerskool Bosveld Primary het in alle erns begin met krieket – en tenniswedstryde vir die derde kwartaal. Die senior tennisspelers het reeds ‘n ligawedstryd teen Laerskool Warmbad gespeel en hoewel die A-span slegs die helfte van hulle wedstryde gewen het, het die B-span skoonskip gemaak en alles gewen.

 

Op die krieketveld het Bosveld se tweede span hul vriendskaplike wedstryd teen Platina gewen met 73 lopies. Die O/10-spannetjie het ongelukkig vasgeval teen Platina in ‘n baie spannende wedstryd.

 

Laerskool Bosveld hoop om goed te presteer op die krieketveld sowel as op die tennisbane vanjaar en die wyse waarop daar verlede week begin is, dui aan dat dit ‘n baie goeie seisoen kan wees.

Bossies at SA schools Netball championships

Deoné Barnard
Netbal

Laerskool Bosveld Primary’s under 12 netball team participated at the annual South African Netball Championship hosted in the Western Cape. They participated at Kuilsrivier from 29 to 30 July against 20 other teams from around the country.

 

Die Bossies speel in totaal 9 wedstryde en behaal ‘n algehele 12de plek uit die 21 verteenwoordigende skole. Elke dogter het haar hart uitgespeel en die wedstryde volstoom aangedurf. Dit was ‘n besondere ervaring. Hulle goeie prestasie kan toegeskryf word aan harde werk en getroue oefening. Dit was vir die span voorwaar ‘n voorreg om deel te neem aan die kampioenskappe en het elke oomblik daarvan gekoester.

 

The u/12 girls and their coaches, Mrs Sarie Pretorius and Bets Kruger will be working hard and looking forward to the 2017 season! A big thank you to all the sponsors that made this team’s dream come true.

Netbal kampioenskappe

Netball

Laerskool Bosveld Primary se o/12 netbalspan vertrek more Kaap toe om aan die nasionale netbal kampioenskappe deel te neem. Hierdie spelers het die hele vakansie hard geoefen om seker te maak dat hulle topfiks, en reg vir aksie is.

 

Die span is slaggereed vir hulle avontuur. Die baadjies is deur Engen geborg. Die spelers en afrigters sien uit daarna om op nasionale vlak deel te neem en dit is vir hulle `n groot voorreg.

Hokkie – 23 Julie 2016

M Fleetwood
Hokkie

Die afgelope naweek het Laerskool Bosveld Primary se hokkie dogters deelgeneem aan die hokkie-rondomtalie van Piet Hugo te Pietersburg Hoërskool. Die dogters het dit baie geniet en dit was sommer ‘n goeie begin vir die hokkie seisoen. Baie sterkte aan al die hokkie-dogters en afrigters - laat elke bal tel!

Borge en Borgskappe

  • PanarottisAtletiek Medaljies
    Margie
  • At Sold Atletiek Gazebo
    Arona
  • A J VerkoelingAtletiek Gazebo
    Jannie
  • Sasko Atletiek Sambrele, Gazeb
    Robert
  • M Kukard Atletiek - Cash
  • Wild Afrika Security Atletiek - Wag vir die nag
  • T Taljaard Rugby - Rugby hemde vir mans
  • PanarottisRugby sakke vir 1st span
  • NG Verkoeling Rugby - 1st span Broeke
    R.J van Vuuren
  • Martin Verwey Boogskiet - Herstel van butts
  • Martin Verwey Boogskiet - Printer, Sak, Kamera
  • Vincent PerrierBoogskiet - Instruksie bord
  • Nico Kay Boogskiet - Waarskuwings borde
  • Ellisras Brandstof Boogskiet - Cash
  • CyrilTerreine - Loop pad vir kinders
  • Anders Computing Algemeen - 20 wi-fi stokkies
    Harm
  • Kliq Algemeen - uncapped Internet
  • Postnet Algemeen - Bind van GR 4,5,6,7,1 boek
  • Srix Zone Huiswerkboek
  • Ford Huiswerkboek
  • MogolHuiswerkboek
  • Toyota Huiswerkboek
  • KumanHuiswerkboek
  • Mogol Klub Huiswerkboek
  • Exxaro Huiswerkboek
  • Mica Huiswerkboek
  • Zumba Huiswerkboek
  • Experi MHuiswerkboek
  • Kinderkenetika Huiswerkboek
  • Wortel Springkasteel Huiswerkboek
  • Green Apple Huiswerkboek
  • Avbob Huiswerkboek
  • Panarottis Personeel - Hemde
    Wayne
  • Die potLeerlingraad - Geskenkbewyse
    Yolanda
  • Marelize v SeventerLeerlingraad - Geskenkbewyse
  • PanarottisLeerlingraad - Pizza's vir leerlingraad
    Wayne