Like us on Facebook Email UsCall us on: 014 763 2860
Bosveld Crest
LAERSKOOL BOSVELD PRIMARY

Welkom by Laerskool Bosveld Primary

Bossies na ATKV-Redenaars Semi-finale Rondte

Colette du Plessis

 

Vyftien leerders van Laerskool Bosveld Primary het op 3 en 4 Mei deelgeneem aan die eerste uitdunrondte van die ATKV redenaars. Die standaard van hierdie kompetisie is baie hoog en die leerders het hulle baie goed van hul taak gekwyt. Die Bossies kan spog met drie leerders wat deurgedring het na die semi-finale rondte wat eerskomende Vrydag, 25 Mei plaasvind: Ruan Mostert, Leanelle Kukard en Wilmi van Rooyen. Baie geluk aan hierdie leerders. Julle maak ons Bossies trots.

Netbal 17 Mei teen Laerskool Thabazimbi

Leigh-Anne Bouwer

 

Op Donderdag, 17 Mei 2018, het Laerskool Bosveld Primary kragte gemeet teen Laerskool Thabazimbi in nael-byt netbalwedstryde hier op Bosveld se sportterrein. Bloed, sweet en trane het gesorg vir senutergende wedstryde en gemengde oorwinnings. Speelsters, afrigters, sowel as die ondersteuners se harde werk het alles vrugte afgewerp en gelei tot die sukses van die middag. Bossies jul maak ons trots!!

Mini-netbal teen Laerskool Ellisras.

Michelle Grobler

 

Laerskool Bosveld Primary het op Saterdag, 19 Mei 2018, teen Laerskool Ellisras se mini-netbal en –rugby deelgeneem. Dit was 'n suksesvolle, koel dag vol opwinding. Die dogters en seuns het dit vreeslik geniet en het hulle talente goed weergegee. Ons sien uit na die laaste Mini-Netbal en Bulletjie dag te Thabazimbi op 26 Mei 2018. Ons hoop om baie Bossie ondersteuners daar te sien.

Bulletjierugby Ls Ellisras

 

Laerskool Bosveld bulletjies het Saterdag, 19 Mei 2018 deelgeneem teen Laerskool Koedoeskop, Laerskool Vaalwater Laerskool Unitas en Laerskool Ellisras op Laerskool Ellisras.

 

Die afrigters was 7 uur ontvang. Die eerste wedstryd het om 8uur begin.

 

Daar was baie ondersteuning en vrywing tussen die spanne se ouers maar tog goeie sportmanskap. Al drie ouderdomme het goed presteer 0/6 , 0/7 en 0/8. Die laaste wedstryde was 14:05 en het geindig op hoogtepunte.

Mei / Junie Eksamenrooster 2018

 

Winter kleredrag

 

Bossie Landloop kook

Erika Swanepoel

 

Op Saterdag, 12 Mei 2018, neem Laerskool Bosveld se landloop-span deel aan die 2de Liga byeenkoms by die Junction, te Lephalale. Die baan het sy uitdagings gehad, maar alles het seepglad verloop. Die landlopers het baie goed presteer. Sterkte aan al die landlopers vir die res van die seisoen wat voorlê. Dankie aan almal wat die span kom ondersteun het.

Bulletjierugby Koedoeskop

 

Laerskool Bosveld bulletjies het Saterdag 12 Mei 2018 deelgeneem teen Laerskool Koedoeskop, Laerskool Thabazimbi, Laerskool Warmbad, Laerskool Platina en Laerskool Ellisras op Koedoeskop. Die dag het om 8uur afgeskop.

 

Daar was baie ondersteuning en vrywing tussen die spanne se ouers.

 

Al drie ouderdomme het goed presteer 0/6 , 0/7 en 0/8. Die laaste wedstryde was 14:05 en het geindig op hoogtepunte.

Mini-netbal

Linda Erasmus

 

Op Saterdag, 12 Mei 2018 het Laerskool Bosveld Primary se mini-netbal deelgeneem aan wedstryde te Koedoeskop.

 

Alhoewel die dogters in die laer grade nog leer om netbal te speel, vorder hulle elke week pragtig. Die doel is om liefde vir hierdie sport te kweek sodat hulle dit geniet en later puik netbalspelers sal word. Laerskool Bosveld Primary streef daarna om elke leerder tot sy volle potensiaal te ontwikkel - op alle gebiede, sport, kultuur en akademie.

 

Al die spanne het pragtig gespeel en hulle uiterste bes gedoen. Ons is baie trots op elkeen van hulle. Elke leerder leef Laerskool Bosveld Primary se waardes ten volle uit. Hulle omgee vir mekaar en volharding kan in elke wedstryd gesien word.

 

Persevera!

 

Op Dinsdag, 8 Mei 2018, het Laerskool Bosveld Primary se netbal weer gewys dat hulle die Netbalsterre van die dorp is en as oorwinnaars huiswaarts gekeur na ligawedstryde teen Laerskool Platina.

 

Die uitslae is as volg: o/10 A-span wen 13/1 teen Platina, O/11 A-span wen 12/0, o/12 A-span wen 19/11 en die o/13 A-span wen 21/6 teen Platina.

 

Die afrigters is baie trots op die dogters wat so hard oefen en presteer. Die volgende liga wedstryd vind 17 Mei 2018 plaas op Bosveld se bane teen Thabazimbi.

L/s Bosveld Primary maak skoonskip op die rugbyveld

Marno Pepler

 

Op Donderdag, 3de Mei het Laerskool Bosveld Primary op Laerskool Ellisras se velde `n doelwit bereik wat lank reeds in hul visier is. Die Bossies het dit vermag om 5 uit 5 rugbywedstryde te wen teen hul onder-dorpse teenstanders en daarmee die bordjies te verhang. Die Bossies het vanjaar weer gewys dat hul weet waar Dawid die wortels begrawe het as dit by Rugby kom.

 

Vanjaar se uitmuntende resultaat herhaal homself vir die eerste keer in tien jaar en die Bossie-manne sien uit om die dorpstroon te behou.

 

Met so `n oorwinnings-titel agter die blad sien die Bosveld-rugby manne uit na `n opwindende liga wat nog voorlê.

Die Bossies het die bytjies omtrent ‘n les, of twee geleerl

D Gouws

 

Laerskool Bosveld Primary se netbalspanne het Donderdag, 3 Mei te Laerskool Ellisras meegeding vir “bragging rights” wie die beste netbal-skool in die dorp is. Die Bossies het stof in die buurskool se oë geskop deur 7 uit 8 wedstryde te wen. Die Eerstespan van Bosveld het dus naelskraap gewen, en gesorg vir ‘n senutergende, tog briljante wedstryd om te aanskou. Hou so aan Bossies, eendag speel julle almal vir die Proteas! Dankie aan Laerskool Ellisras, vir `n goeie dag en sportmangees.

 

Dit is nie net Laerskool Bosveld Primary se netbal-dogters wat presteer op die netbalbaan nie, maar ook die afrigters. Michelle de Nysschen, Wiidke Cronk en Lizbe du Toit behaal hulle Provinsiale gradering as skeidsregter op 2 Mei 2018, te Polokwane. Die skool is baie trots op die onderwysers wat hul staal op sportgebied wys. Dit is `n eer om julle as deel van die Bossie-onniespan te hê.

Netbal

Meraai Grové, Wiidke Cronk

 

Drie spelers van Laerskool Bosveld Primary het op Woensdag, 2 Mei 2018, deelgeneem aand die provinsiale proewe wat in Polokwane plaasgevind het. Die proewe was taai en die spelers het hul goed van hul taak gekwyt. Laerskool Bosveld Primary is baie trots op Patunia Makgae, wat opgeneem is in die 0/13 Provinsiale Limpopo span. Harde werk, baie oefening en deursettingsvermoë, het hierdie Bossie-ster laat skitter.

Mini Netbal Swartwater

 

Laerskool Bosveld Primary se mini netbal spanne het die naweek tydens Swartwater se Tassiefees deelgeneem met verskeie oorwinnings. Ons sien uit na die volgende naweke se mini netbal dae sodat daar nog speelkans gebied kan word.

Bulletjierugby Swartwater

 

Laerskool Bosveld bulletjies het Saterdag 5 Mei 2018 deelgeneem teen Laerskool Unitas en Laerskool Ellisras op Swartwater. Die dag het om 8uur afgeskop.

 

Daar was baie ondersteuning en vrywing veral tussen die 0/8 ouers tydens die wedstryde.

 

Al drie ouderdomme het goed presteer 0/6 , 0/7 en 0/8. Die laaste wedstryd het 11 : 10 geëindig op `n hoogte punt met die 0/8 wat baie balbesit gehad het teen Laerskool Unitas.

Bossies ken van sing en dans

D. Gouws

 

Die dans-en-sing Kultuurdiere van Laerskool Bosveld Primary het die gemeenskap op hul voete gehad met ‘n puik optrede by die NG Kerk Albertyn se basaar. Die Bossies het pragtig gelyk in hul klere en waarlik die Bossies se naam hoog gehou! Hou so aan Bossie-revue, julle is kookwater.

Skaap loop by Laerskool Bosveld Primary terwyl die pyle vlieg!

Marno Pepler

 

Laerskool Bosveld Primary het op Saterdag, 5 Mei 2018 vanjaar weer hul jaarlikse skaaploop-dag aangebied in samewerking met hul boogskietspan. Ander skole uit die streek, o.a. Hoërskool Ellisras, Waterberg Academy, Laerskool Ellisras, Hardekool Akademie en Lephalale Primary het ook ouder-gewoonte die dag ondersteun en uiteindelik bygedra tot die sukses daarvan.

 

Die skapie het sommer vroeg oggend al opgewondenheid veroorsaak deur op `n kaartjie te poef. Die skaap het uit sy hok ontsnap en die leerders het hul bes gedoen om die flinke dier weer te vang. Me A van Vreden was die gelukkige wenner.

 

Sommige brawe ouers en leerders het hul vernuf by die bokdrol-spoeg tafel beproef. Sommige leerders het liewer met rosyntjies gekompeteer. Die rosyn-spoeg wenner was mnr Stefan Hatting van Laerskool Bosveld Primary. Die Bokdrol-spoeg wenner was mnr Marius Mostert.

 

Boonop het die Bossie-skuts A-span ook uitgeblink en het die eerste plek beklink met die 3D teikenskiet, tweede was Waterberg Academy en derde Lephalale Primary.

 

Met die 3D teikenskiet in die hoërskool het Waterberg Academy gewen, Hoërskool Ellisras se A-span was tweede en hul B-span derde.

 

Die kolskoot afdeling is gewen deur die Bossies se A-span en Lephalale Primary was tweede. Bosveld se B-span was derde. Ellisras Hoërskool was eerste en Waterberg Academy was tweede met die kolskoot.

 

Laerskool Bosveld se skuts, Mischka Prinsloo en Sameul Leahy het beide die derde plek ingepalm as junior dogter en seun.

Skitterende byeenkoms vir ontluikende rugby- en netbalspelers.

Mercia Joubert

 

Vir Laerskool Bosveld Primary was dit Saterdag, 21 April 2018 `n groot voorreg om as gas-Laerskool vir ses skole tydens die Bulletjierugby- en Mini-netbaldag op te tree.

 

Nie net is die hoofde, afrigters en beamptes op glansryke wyser ontvang en trakteer nie, maar die besoekers was dit eens dat die skool se terrein `n lushof is, met uitstaande fasiliteite.

 

Ongeveer 310 netbalspelers en 258 rugbyspelertjies het mekaar die stryd aangesê; onder aansporing van hulle ouers, grootouers en talle ander ondersteuners – wat `n plesier om die pappas en mammas langs die veld dop te hou! Om so `n skitterende dag aan te bied sal egter onmoontlik wees sonder die oop hand van die skool se borge.

 

Dankie vir die reuse aandeel – om te kon sien hoe elke deelnemer met `n groot glimlag `n medalje ontvang en die dag ten volle kon geniet, maak die personeel van Laerskool Bosveld Primary dankie-bly.

Bossies gekies vir distrik proewe.

M Grové

 

Baie geluk aan die netbal-spelers van Laerskool Bosveld Primary, wat aan die distrik-proewe deelgeneem het op 11 April 2018 te Krugerpark. Die spelers wat deurgedring het is: Lanelle Vermaak, Morakane Matsoma en Patunia Makgae.

 

Baie sterkte vir die volgende rondte te Polokwane op 2 Mei 2018. Die Bossies hou styf duim vas vir julle!

Rugby proewe

 

Die volgende seuns van Laerskool Bosveld Primary het op Dinsdag, 17 April aan die Kringproewe deelgeneem en is gekies om die Waterbergspan te verteenwoordig. Baie sterkte en geluk aan die manne.

O/12

Kwele Mamabolo

Tumisang Lebudi

Derik Besseling

Xilombe Bvuma

Albert von Ronge

Wihann Smit

Mihle Diko

 

O/13

Zabian Vermeulen

Erhard Geyser

Kwena Morumudi

David Mokoena

Kamogelo Majadibodu

Jeselte van Rooyen

Graad RR

 

Bossie Boogskuts oorwin

M. Grobler

 

Die boogskuts van Laerskool Bosveld Primary het op Saterdag, 14 April 2018 deelgeneem te Hoërskool Ellisras in Lephalale. Dit was ‘n puik, suksesvolle dag. Die skuts het dit vreeslik geniet.

 

Die Bossies het 'n algehele 1ste plek behaal, met ‘n uitmuntende totale punt van 2794. Salomé Boshoff het 2de gekom vir Junior meisies en Eduan Engelbrecht het 3de gekom vir Junior seuns.

 

Die skool is trots op die Bossie boogskuts. Hou so aan! Die volgende kompetisie sal die 5de Mei 2018 plaasvind te Laerskool Bosveld Primary.

Landloop

E Swanepoel

 

Laerskool Bosveld het Saterdag, 14 April aan hulle eerste Landloop Liga byeenkoms deelgeneem te Universiteit van die Noorde. Die landlopers het baie goed gedoen vir hulle eerste keer. Daar het baie nuwe atlete deelgeneem. Ons sien uit na ’n baie goeie seisoen wat voorlê.

Super 8 netbal

J Adams

 

Laerskool Bosveld Primary het die afgelope naweek aan die Super 8 in Polokwane deelgeneem.

 

Al was die kompetisie straf, met gemengde suksesse, eindig Bosveld se netbal-spelers met ‘n algehele 4de plek.

 

Knap gedaan dogters! Laerskool Bosveld Primary sien baie uit na die liga seisoen wat voorlê.

Super 8 rugby

C.J. de Swardt

 

Laerskool Bosveld Primary se rugbyspanne het op Vrydag, 13 April vertrek na Laerskool Pietersburg-Noord om te gaan deelneem aan die jaarlikse super 8 rugby-toernooi. Die o/9’s het skitterende vertoon deur Laerskool Thabazimbi, Laerskool Louis-Trichardt en Laerskool Phalaborwa te klop voordat hulle vasgeval het teen Laerskool Bergland en ‘n 2de plek behaal. Die res van die spanne het gemengde welslae behaal, die o/10’s het ook na ‘n paar harde wedstryde gehad en ‘n 5de behaal en die 1ste en o/11 spanne het op hul vorige prestasies verbeter. Daar was goeie rugby gespeel en die Bossies sien uit na die res van die seisoen.

Bosveld rugby maak amok

Charlie Brandt

 

Hierdie jaar is vir Laerskool Bosveld Primary se rugby-afdeling `n merkbare sukses. Met sweet, bloed, trane en onstuitbare ambisie het die rugbyseisoen vroeg afgeskop.

 

Oudergewoonte het die rugby-seuns ook gaan toer. Op die 23ste tot die 25ste Maart het die junior-spanne vertrek na Jubaweni, later op die 6de tot die 9de April sou die seniors in hul spore volg. Laerskool Bosveld Primary se rugbyspanne het hierdie jaar vir die tweede keer Jubaweni besoek en almal is dit eens: Jubaweni is fantasties!

 

Die o/11 span wen twee van hul vier wedstryde en Bosveld se 1ste span wen 3 van hul vier wedstryde. Ten spyte van harde kompetisie kon die afrigters en spelers steeds met die wysheid wat foute aan mens besorg, wegstap. Dit was ook duidelik dat die seuns baie geleer het en hulle is oorgehaal vir die Super 8 wat die naweek van 13 April 2018 in Polokwane plaasvind.

 

Laerskool Bosveld Primary is trots op die rugby-seuns wat skitterende rugby gespeel het tydens die afgelope toere, maar is bowenal opgewonde vir die rugby-seisoen wat voorlê.

Graad 2’s eet gesond

Michelle Grobler

 

Gedurende die eerste kwartaal het die Graad 2's van Laerskool Bosveld Primary geleer hoe om gesond te eet en om hulself gesond te hou. Die leerders het sommer baie slim geword en weet ook watter kos is gesond om in te pak skool toe.

 

Op 23 Maart het die graad 2's van Laerskool Bosveld Primary heerlik gesmul aan vrugteslaai wat hulle self moes maak. Geen vingers is raak gesny in die proses nie en die leerders het dit vreeslik geniet om verskeie vrugte te proe.

Kwartaal 1

Bosveld vaar uitstekend tydens Rugbytoer na Jubaweni

J du Plessis

 

Laerskool Bosveld Primary se O/9 - en O/10 Rugbyspanne, het behoorlik hul man gestaan by die afgelope naweek se Rugbytoer te Jubaweni. Albei spanne het puik Rugby gespeel en op die einde die toernooi onoorwonne afgesluit teen sterk spanne van Gauteng en Mpumalanga.

 

Die kompetisie was taai en daar was geen maklike wedstryd vir enige span nie. Die Bossies se O/9 – spannetjie het Vrydag ‘n oorwinning van 17-0 behaal teen Maragon College. Saterdag het hulle met 35-5 teen Curro Heuwelkruin geseëvier en op Sondag het hulle die toer afgesluit met ‘n puik oorwinning van 10-5 teen Tygerpoort van Pretoria.

 

Die O/10-span het Vrydag afgeskop met ‘n oorwinning van 22-12 teen Maragon College, waarna hulle Saterdag ‘n taai stryd teen Kragbron van Witbank met 12-5 gewen het. Sondag het hulle die toer positief afgesluit met nog ‘n goeie oorwinning teen Laerskool Wierdapark se B-span. Die telling was 21-5.

 

Die afrigting kliniek wat Saterdagoggend aangebied is deur twee bekende laerskool afrigters uit Bloubul land, Jaco Snyman en Ben Marais, was ook baie leersaam vir beide die spelers en afrigters.

 

Laerskool Bosveld Primary wil graag almal bedank wat die skool bygestaan het en ook bygedra het om sy deelname aan die Jubaweni Rugbytoer moontlik te maak.

Bossie Redenaars

Colette du Plessis

 

Met interessante Temas soos: “Drup, uurglas, hoop en vingers”, het die Bossies die wêreld behoorlik aan die brand geredeneer tydens die skool se interne Redenaars, wat plaasgevind het op Maandag, 20 Februarie met nie minder nie as 48 deelnemers.

 

Daar gaan ook 18 leerders deelneem aan die ATKV se eerste uitdunrondte wat op 4 en 5 Mei te Hoërskool Hans Strijdom plaasvind. Voorsitter, dames en here - Bossies mag redeneer.......

Tande feetjie besoek Bossies se Gr. R klasse

Colette du Plessis

 

DMet groot opgewondenheid het Laerskool Bosveld Primary se Gr. R leerders uitgesien na die besoek van die Tande feetjie op Donderdag, 8 Maart om hul meer te leer oor tandesorg.

 

Sy het met behulp van eksperimente aan hul verduidelik hoe skadelik suiker en suur vir ons tande is en dat ons tweemaal per dag moet tande borsel. Die leerders is bederf met heerlike appels en inkleurprentjies oor tandesorg. Van nou af is daar geen slegte tandjies vir ons Bossies nie!

Laerskool Bosveld Primary se netbal-dogters gaan op toer

Leanè Snyman

 

Die afgelope naweek van 16 tot 18 Maart 2018, was Laerskool Bosveld Primary se O/10 tot O/13 netbal-dogters by Jubaweni vir `n netbal-toer.

 

Alhoewel dit soms gereën het, het die spelers dit steeds baie geniet. Die spelers is bederf met die aller heerlikste kos. Al die personeel by Jubaweni was baie aangenaam en het die spelers bederf.

 

There was ample time to do other team building activities like swimming, a night walk and as a treat, a few game drives.

 

Die mense van Jubaweni het ons ook baie nuwe netbal tegnieke geleer. Die skool sien vreeslik uit daarna om in Augustus maand met die graad sesse se Oos – Kamp weer daarheen te gaan!

 

At Jubaweni the players learned to work together as a mean team – always doing their best. The players never stopped smiling and is very motivated to win each future game. The players would like to thank Laerskool Bosveld Primary for this inspiring tour.

Bossie-Kidz het pret!

N Botha

 

Laerskool Bosveld Primary se Bossie Kidz het op Maandag, 12 Maart om 14:30 spanbou aktiwiteite aangepak. Die kinders het geleer hoe om effektief met mekaar te kommunikeer sodat hul takies vinnig kon afhandel en verseker dat hul nie te nat word nie. Die wenspan kon eerste vir hulself heerlike roomys kry na hul flink dink sessie.

Bossies play netball at Kruger Park

Zoe-Lee Verwey

 

On the 10th of March the under 9-13 netball girls travelled to Laerskool Krugerpark to participate in a day filled with action packed fun.

 

The learners faired well, with many wins against tough competitors. As a school we ae incredibly proud of all of our netball girls. Yes- Bossies can!

Netbalproewe te Laerskool Bosveld Primary

M De Nysschen

 

Baie geluk aan al die o/12 en o/13 netbalspelers van Laerskool Bosveld Primary wat op 7 Maart aan die Streekproewe deelgeneem het en almal deurgedring het na die Distrikproewe op 22 Maart. Baie sterkte - ons hou vir julle duim vas.

Bossie Redenaars

Colette du Plessis

 

Met interessante Temas soos: “Drup, uurglas, hoop en vingers”, het die Bossies die wêreld behoorlik aan die brand geredeneer tydens die skool se interne Redenaars, wat plaasgevind het op Maandag, 20 Februarie met nie minder nie as 48 deelnemers.

 

TDaar gaan ook 18 leerders deelneem aan die ATKV se eerste uitdunrondte wat op 4 en 5 Mei te Hoërskool Hans Strijdom plaasvind. Voorsitter, dames en here - Bossies mag redeneer.......

Bossies skrum die wêreld aan die brand!

M Pepler

 

Laerskool Bosveld Primary het hul rugbyseisoen amptelik op die 3de Maart aan die rol gesit. Alreeds van die begin van die seisoen af, is dit duidelik dat `n groot verrassing vanjaar op die Bosvelders wag.

 

Ten spyte daarvan dat twee uit die vyf spanne tot nederlaag gedwing is, was dit in beide gevalle naelskraap. Die volgende rugby-wedstryde vind op die 10de Maart plaas te Mokopane. Sterkte aan die spelers en die afrigters met hul voorbereiding vir die week.

Provinsiale Atletiekbyeenkoms - Bossies atlete doen goed

Erika Swanepoel

 

Op Saterdag, 3 Maart 2018 neem 6 van Laerskool Bosveld Primary se atlete deel aan die Limpopo Atletiekbyeenkoms.

Zoey Elenis behaal n derde plek in die HS vir DO/11 met n hoogte van 1,40m. Sy word as deel van die Limpopo-span opgeneem. Ons is baie trots op Zoey met hierdie puik toekenning.

Albert van Ronge behaal n 4de plek in die SW S O/12. Die res van die atlete doen ook goed. Baie geluk aan die atlete wat deelgeneem het, julle is Bossies wat kan!

Toetsreeks / Test series: 1-15 Maart/March 2018

 

01/03: Afrikaans & Sepedi

05/03: English

06/03: Wiskunde/Maths

07/03: EBW/EMS Grade 7

08/03: Geskiedenis/History

09/03: PW Gr 4-6 & LO Gr 7

12/03: NWT / NST

13/03: Technology/Tegnologie

14/03: Geografie/Geography

15/03: Skeppende Kuns / Creative Arts Gr 7

 

All delimitations will be in the books by Friday - Alle afbakeninge sal in die boeke wees teen Vrydag.

Bossies vier die liefde

Duné Gouws

 

Op 14 Februarie 2018 het die Bossies behoorlik Valentynsdag gevier! Die Leerlingraad, saam met hul ouers, het vir weke beplan aan geskenkies en eetgoed om tydens pouse te verkoop.

Soveel moeite en liefde is in elke geskenkie ingesit en die Bossies bedank die leerlingraad, asook hul ouers wat die dag moontlik gemaak het. Die liefde is rooi, die liefde is mooi!

Bossie atletiek kook

Erika Swanepoel

 

Die Bossie Atletiekspan het op Vrydag, 9 Februarie aan die Area atletiekbyeenkoms te Laerskool Ellisras deelgeneem. Die atlete het almal puik prestasies gelewer.

Daar was 18 1ste plekke, 17 2de plekke en 22 3de plekke verower.

Daar dring 28 Bossie-atlete deur na die Streek byeenkoms te Laerskool Warmbad op die 16ste Februarie. Sterkte aan al die atlete, ons is trots op julle!

Vriendskaplike byeenkoms reuse sukses.

Michelle de Nysschen

 

Laerskool Bosveld Primary het op Dinsdag, 30 Januarie 2018 `n vriendskaplike atletiekbyeenkoms te Mogol Klub aangebied waar daar teen Laerskool Ellisras, Unitas en Thabazimbi deelgeneem is.

Die byeenkoms het groot opspraak verwek en goeie sportmangees was aan die orde van die dag. Die atlete het hul bes gedoen en elke oomblik geniet. Baie dankie aan almal wat betrokke was en gehelp het om van die atletiekseisoen ‘n sukses te maak.

Tweelinge in die skool

 

Kyle en Caylim Kriel, 'n Graad 1-tweeling van Laerskool Bosveld Primary is al lankal tuis hier by Bossieland! Die Bossies het by hulle gaan aan-klop om te hoor wat hulle van die skool dink - en hulle is baie opgewonde om 'n Bossie te wees! Hulle wil graag hard werk om hulle juffrou trots te maak! Die Bossies spog met 'n hele paar tweelinge vanjaar, maar hoe oulik is twee graad eentjie-parabeentjies dan nie?

Laerskool Bosveld presteer by Limpopo Swem Skole kampioenskappe

 

Die kampioenskappe het op 27-28 Januarie in Polokwane plaasgevind. Die volgende plekke is in die verskeie ouderdomsgroepe behaal:

 

Friedrich Neethling (o/9)- 7 Goud en 1 Silwer

Janco Sparks (o/9) - 1 Goud, 1 Silwer en 1 Brons

Tiaan Roets (o/10) - 1 Goud en 2 Brons

Raylen Espag (o/10) - 1 Silwer

Eduan Mostert (o/10) - 1 Brons

Veneske Steenkamp (o/10) - 3 Goud, 3 Silwer en 2 Brons (nuwe rekord vir 50m Vlinderslag)

CW Sparks (o/11) - 1 Goud

Wikus van Schalkwyk - 2 Brons

Ruan Taljaard - 1 Brons

Zoey Elenis - 1 Silwer en 1 Brons

Roelof Taljaard - 5 Goud en 3 Silwer

Kayla Human - 1 Silwer en Brons

 

Twee seuns, Ulrich Pepler en Robbie de Klerk, het uiteindelik gekwalifiseer om hul provinsie te verteenwoordig op die 4de en 5de Desember te Ekhuruleni.

 

Baie geluk aan Roelof Taljaard en Kayla Human wat in die voorlopige Limpopo-span opgeneem is!

Bossie atlete laat wiel!

Michelle de Nysschen

 

Laerskool Bosveld Primary het op Vrydag, 26 Januarie 2018, die Kring atletiekbyeenkoms te Mogol Klub aangebied. Verskeie skole van die Ellisras-kring het deelgeneem aan die opwindende dag

 

Die Bossies het nie lyf weggesteek nie en spog met 63 atlete wat deur is na die volgende ronde. Baie dankie aan al ons ondersteuners en sterkte aan elke Bossie, ons is trots op julle!

Interhuis Atletiekbyeenkoms

23 Januarie 2018

Read the Bossie Newspaper online!!

 

Download Now!

ATLETIEK 2018

 

Hier volg belangrike inligting in verband met die atletiek van 2018. Ons vra dat die ouers ons in die verband sal ondersteun en die byeenkomste sal bywoon. Baie sterkte aan die atlete wat al begin oefen het.

Belangrike datums:

19 Januarie 2018

23 Januarie 2018

26 Januarie 2018

30 Januarie 2018

2 Februarie 2018

9 Februarie 2018

2 / 16 Maart 2018

Massasport

Interhuis

Kring

Vriendskaplik

Area

Streek

Provinsiaal

Mogol

Mogol

Mogol

Mogol

Ellisras

Warmbad

Polokwane

07:20 – 12:30

07:30 – 14:00

07:00 – 15:00

12:00 – 18:30

08:00 – 15:00

-

-

Spanindeling 2018

Loeries (Blou) Valke (Rooi)

Afr medium

Eng medium

A – M

A – Mn

N – Z

Mo – Z

Oefenprogram

Oefendae: Dinsdae en Donderdae. Woensdae is opsioneel sooos gereël deur afrigters.

TYD

14:30 - 15:20

15:20 – 16:10

16:10 – 17:00

ITEM

Naellope / Gewigstoot / Hekkies

Hoogspring / Skyfwerp

Verspring / Langafstande / Spiesgooi

Massasport

Vrydag 19 Januarie 2018 vind ons jaarlikse massasport by Mogolvelde plaas. Leerlinge gaan direk na Mogol en moet reeds om 07:30 aanmeld by hulle juffrouens. Leerlinge wat met die busse ry, sal by Mogol afgelaai word en weer om 13:00 opgelaai word. Al ons leerlinge neem deel aan Vrydag se massasport in hul onderskeie ouderdomsgroepe en spanne. Leerlinge neem deel in enige gemaklike klere. Sorg asseblief vir ‘n goeie sonhoed en koue water vir u kind. Daar sal ‘n snoepie wees by Mogol. Programme sal by die baan beskikbaar wees.

Interhuis

Dinsdag 23 Januarie 2018 vind ons jaarlikse Interhuis byeenkoms plaas..Die leerlinge moet al reeds om 07:30 hulle plekke ingeneem het op die paviljoen. Daar sal ‘n registerperiode wees. Leerlinge wat nie daar is nie, sal afwesig gemerk word. Om 07:40 is die openimg en verwelkoming. Die eerste items sal om 08:00 begin. Programme sal by die baan beskikbaar wees. ‘n Snoepie sal die dag beskikbaar wees. Ons vra asseblief dat alle ouers ons sal ondersteun.

Athletics 2018

 

Important dates:

19 January 2018

23 January 2018

26 January 2018

30 January 2018

2 February 2018

9 February 2018

2 / 16 March 2018

Mass Athletics

Internal Athletics

Circuit Athletics

Friendly Meeting

Area Athletics

Regional Athletics

Provisional

Mogol

Mogol

Mogol

Mogol

Ellisras

Warmbath

Polokwane

07:20 – 12:30

07:30 – 14:00

07:00 – 15:00

12:00 – 18:30

08:00 – 15:00

-

-

Teams for 2018

Loeries (Blue) Valke (Red)

Afr medium

Eng medium

A – M

A – Mn

N – Z

Mo – Z

Athletics practicing times

Practice times are on: Tuesdays, Thursdays for everyone and on Wednesdays as arrange by couches

TYD

14:30 - 15:20

15:20 – 16:10

16:10 – 17:00

ITEM

Sprints, Hurdles and Shot Put

High Jump and Discus

Long distance, Long Jump and Javelin

Mass Athletics Meeting

Friday 19 January 2018 at Mogol

1. Learners must assemble at Mogol Club at 07:30.

2. Learners who travel by bus will be transported to Mogol Club. Busses will depart again at 13:00.

3. All learners will be given the opportunity to participate in their age group and team.

4. The tuck shop will be open during the meeting.

5. Programmes will be available at the field.

6. Please bring along a hat, sun block and ice water for your child.

Internal Athletics Meeting

Tuesday 23 January 2018

1. Learners who travel by bus will be transported to Mogol Club

2. All learners must attend the meeting. At 07:30 there will be a register period. Learners not there will be marked absent for the day.

3. Opening will be at 07:40.

4. The meeting will start at 08:00.

5. The tuck shop will be open during the meeting.

6. Programmes will be available at the field.

Read the Bossie Newspaper online!!

 

DOWNLOAD NOW!

Skryfbehoeftes / Stationery 2018

 

4 x Potlode

1 x olie Pastelle (Verpligtend vir Kuns)

1 x Inkleurpotlode (12 kleure)

1 x Koki penne (Verpligtend vir Kuns)

2 x Blou penne per kwartaal

1 x Potloodskerpmaker met houer

1 x Skêr

1 x Wit gom (Glue –Wood & paper vir Kuns)

4 x Pritt 40g kleefstiffies (Een vir elke kwartaal)

1 x 30cm Liniaal

1 x Wit uitveër

1 x Oxford Wiskundestel (Slegs gr 5-7)

A4 plastiek koeverte vir elke vak (ter beskerming van boeke en handboeke)

±10 x Kleurlose plastiekoortreksels vir skrifte A4, indien verkies

5 x Rolle STERK PLASTIEK vir handboeke

1 stel x Uitdraaikryte (Verpligtend vir Kuns)

1 stel x Sagte pastelle (Verpligtend vir Kuns – slegs vir Graad 7)

2 x Pocket file 50 pocket (Vir Afr HT / FAL)

Bo-genoemde is slegs ‘n aanbeveling

4 x Pencils

1 x Oil pastels (Compulsory for Art)

1 x Colouring pencils

1 x Coloured koki’s (Compulsory for Art)

2 x Blue pens for each term

1 x Pencil sharpner

1 x Scissor

1 x White glue (Glue –Wood & paper (Compulsory for Art)

4 x Pritt 40g stick (One for each term)

1 x 30cm ruler

1 x White eraser

1 x Oxford Maths (Only for grd 5-7)

A4 plastic envelopes for each subject (to protect workbooks and textbooks)

±10 x Colourless platic A4 book covers (If preferred)

5 x Rolls of STRONG THICK PLASTIC to cover textbooks

1 set x Turnout crayons (Compulsory for Art)

1 set x Soft Pastels (Compulsory for Grade 7 learners for Art)

2 x Pocket file (50 pocket) for Afr FAL and Sepedi HL) (Sepedi only Grd 5,6,7)

This is only a suggestion regarding stationery for the year.

2018 Leerlingraad Laerskool Bosveld Primary

Duné Gouws

 

Op Maandag, 30 Oktober het Laerskool Bosveld Primary hul jaarlikse Leerlingraad instellings aand gehou. Dit was ‘n skitterende aand wat almal se asems weggeslaan het. Hierdie aand is vir baie van die leerders die hoogtepunt van hul Laerskoolloopbaan, en daarom maak die Bossies die aand baie spesiaal.

 

Laerskool Bosveld Primary se hoof, leerlingraad voogde, onderwysers en leerders is veral trots op die volgende leerders:

 

Hoofseun: Ruan Mostert

Hoofdogter: Wilmari du Preez

 

Voorsitter Sport: Jeselte van Rooyen

Voorsitter Kultuur: Bronwyn van Rooyen

Voorsitter Orde en Dissipline: Sorina Nortje

Voorsitter Funksies, Fondse en Omgee: Dean Moss

Voorsitter Akademie: Lola Ndlovu

 

Die Bossies sien uit na 2018, met julle aan die stuur. Baie sterkte vir die belangrike taal wat elke leier het om orde in die skool te handhaaf. Perservera.

Bossie-gholf kook!

M Pepler

 

Op Dinsdag, 24 Oktober 2017, het Laerskool Bosveld Primary se gholfspan te Groblersdal gholfbaan aangemeld om deel te neem aan die finale rondte proewe vir die Interprovinsiale Laerskole Gholfspan.

 

Ten spyte van die son se beste poging om die dag snikheet te maak, het die seuns met ywer die pragtige baan aangedurf.

 

Twee seuns, Ulrich Pepler en Robbie de Klerk, het uiteindelik gekwalifiseer om hul provinsie te verteenwoordig op die 4de en 5de Desember te Ekhuruleni.

 

Baie geluk aan hierdie twee seuns, julle is Bossie-sterre!

Bossies maak skoonskip

Annalize Neethling

 

Laerskool Bosveld Primary se swem span het Saterdag, 21 Oktober 2017, aan die Swem Interlaer te Groblersdal deelgeneem. Die swemmers was goed voorbereid en het mooi prestasies behaal.

 

Die volgende eerste plekke is behaal:

Janco Sparks (50m rugslag, seuns o/8)

Friedrich Neethling met `n nuwe rekord (50m vryslag, seuns o/8)

Veneske Steenkamp met nuwe rekords vir 50m vryslag en 50m rugslag vir dogters o/9 en sy is ook die Junior Victrix Ludorum wenner.

Ashley Jansen van Vuuren het die 50m en 100m rugslag, dogters 0/11 gewen.

Roelof Taljaard het die 50m vlinder asook die 100m vlinder- en rugslag gewen vir seuns 0/12.

 

Die o/8 en o/9 dogters het ook eerste plekke in die vryslag aflosse behaal en hulle het ook `n nuwe rekord aangeteken.

 

Laerskool Bosveld Primary behaal `n algehele derde plek en dring sodoende deur om aan die Top 10 skole swemgala deel te neem wat op 4 November in Polokwane plaasvind.

Bossie O/11 – krieketspelers presteer

H Human

 

Die Limpopo semi-finaal het op 17 Oktober 2017 plaasgevind te Krugerpark in Potgietersrus. Laerskool Bosveld Primary en Tzaneen het om 12 uur geloot , Laerskool Bosveld Primary verloor die loting en Tzaneen boul eerste.

 

Laerskool Bosveld Primary kolf eerste en teken `n onvoldoende 114 lopies aan teen Tzaneen in die 26ste beurt almal uit. Tzaneen kolf tweede en teken slegs 103 lopies aan in die 30ste boulbeurt. Laerskool Bosveld Primary verower die Limpopo semi-finaal met 11 Lopies.

 

Laerskool Bosveld Primary vat die eer en speel in die Limpopo finale op Dinsdag, 24 Oktober 2017 teen Oos-skool (Pietersburg) te Laerskool Nylstroom.

Newsletter 8 - Fourth Term 2017

Important Dates

Nuusbrief 8 - Vierde Kwartaal 2017

Belangrike Datums

Die Bossies kán Golf speel!

M Pepler

 

Op die 11de Oktober het Laerskool Bosveld Primary deelgeneem aan die jaarlikse Interlaer gholf-kompetisie wat vanjaar op Mogolklub plaasgevind het.

 

Drie van Bosveld se manne het deurgedring na die volgende rondte en die Bossies het `n algehele tweede plek op die dag behaal.

 

Die res van die seisoen gaan nog baie opwinding lewer vir hierdie kranige golfers.

Golf toer vir Bossies

M Pepler

 

Laerskool Bosveld Primary het vanaf 29 September tot 2 Oktober 2017, saam met Laerskool Eugene Marais `n golf toer by Sesambos gholfbaan bygewoon. Die spelers en onderwysers het hulle vakansie opgeoffer om hul golf-tegnieke in te oefen.

 

Die seuns het tydens die toer baie golf gespeel en hulself gate uit geniet! Daar was ook `n trofee op die spel geplaas, waarmee Laerskool Bosveld Primary weggestap het na afloop van die toer. Die spelers is nou knap toegerus vir hulle volgende toernooi.

Laerskool Bosvel Day Night Gold 16 September 2017

Neon Run 15 September 2017

Bossie-swem

Annalize Neethling

 

Hier is die rekord brekers v.l.n.r. :

Agter: Tiaan Roets, Anke Pretorius, Nicolas Louw, Eduan Mostert, Zoey Elenis

Voor: Venekse Steenkamp, Friedrich Neethling, Nika Snyman, Kayla Human

Laerskool Bosveld Primary het op Donderdag, 14 September, `n baie suksesvolle Interhuis swemgala gehou. `n Totaal van 17 rekords is gebreek. Die volgende prestasies is behaal:

• Snr Victor Ludorum: Roelof Taljaard

• Snr Victrix Ludorum: Kayla Human

• Jnr Victor Ludorum: Friedrich Neethling

• Jnr Victrix Ludorum: Veneske Steenkamp

Bossies ryg medaljes in

Branden Perrier

 

Laerskool Bosveld Primary se skuts het Saterdag, 16 September, by Hoërskool Ellisras deelgeneem aan `n boogskiet kompetisie en het behoorlik die medaljes ingeryg en die span het `n algehele 3de plek verower.

 

Ilis-Mari Venter wen die titel as algehele junior dogter van die dag met `n telling van 275 en Tristan Rautenbach is algeheel 2de van die junior seuns met `n telling van 273. Branden Perrier wen die titel as algehele junior seun van die dag, sowel as die brons medalje vir 3de hoogste telling van die dag met `n telling van 278.

 

Die kwartaal het met `n hoogtepunt afgesluit en ons hou duim vas vir die skuts wat aan die Nasionale kampioenskappe deelneem in die Oktober vakansie.

Laerskool Bosveld Primary Hokkie

Retha Brandt

 

Laerskool Bosveld Primary se o/13-A hokkie spelers het op Saterdag, 9 September deelgeneem aan die kwarteindrondtes te Polokwane. Die Bossies het hard gewerk en geoefen vir die geleentheid. Hulle het wel uitgeval en dring dus nie deur na die semi-finaal nie. Die skool is trots op hierdie dogters wat dit so ver gebring het en die skool se naam hoog gehou het gedurende die hokkie seisoen.

6-a-side Krieket op Thabazimbi

Lourens du Plessis

 

Laerskool Bosveld se 0/11-krieketspan het op Vrydag en Saterdag, 8-9 September 2017, gaan deelneem aan `n “6-a-side” Krieket toernooi wat aangebied is deur Koedoeskop op Hoërskool Frikkie Meyer se velde, te Thabazimbi. Die spelers speel baie mooi en wen hul eerste twee wedstryde gemaklik en dring deur na halfeindstryd.

 

Die halfeindstryd is met gemak gewen en het in die finaal teen Koedoeskop te staan gekom. Die Bossie-spelers het as oorwinnaars uit die stryd getree. Albert von Rönge het uitgeblink en ontvang `n trofee vir die kolwer wat die meeste lopies aangeteken het.

 

Dit was `n baie aangename dag en die spelers het dit geniet om hulself uit te leef op die krieketveld.

Bossie Landloop laat waai

Annalize Neethling

 

v.l.n.r. Friedrich Neethling, Nika Snyman en Franco Gomes

 

Laerskool Bosveld Primary se Landloop atlete het op Saterdag, 9 September gaan deelneem and die SA-Landloop-kampioenskappe te Potchefstroom. Daar was honderde deelnemers wat hul bes gegee het.

 

Die Bossies het gehardloop dat die stof so staan en die drie toppresteerders was: Friedrich Neethling (Limpopo se 0/8-wenner), Franco Gomes (o/9), en Nika Snyman (o/9). Die skool is baie trots op hierdie Bossies wat so mooi presteer het.

Bossie Kidz vier die lente!

Annie Krugel

 

Die begin van lente is in die lug en die leerders van die skool is gereed om al die winterklere weg te pak en hul vrolike somerklere nader te hark. Die senior Bossie Kidz van Laerskool Bosveld Primary het `n groot verrassing gekry op 4 September 2017.

 

Ter viering van lentedag, kon hulle, hulle eie roomys en eetbare versierings kies en opsit. Hulle het behoorlik gesmul aan die heerlike verrassing. Daar is geen beter manier om die lente te groet as om roomys saam met jou maats te geniet nie.

Bossies speel skaak

Colette du Plessis

 

Laerskool Bosveld se Junior en Senior -skaak spanne het Woensdag, 30 Augustus deelgeneem aan 'n skaaktoernooi te Laerskool Koedoeskop. Ander deelnemende skole was Laerskole Platina en Hardekool. Die spelers het goed gekompeteer en hul opponente hard aan die dink gehad. Mooi so Bossies!

Hokkie

Retha Brandt

 

Laerskool Bosveld Primary se o/13-A hokkie dogters het op Donderdag, 31 Augustus 2017, teen Laerskool Krugerpark en Laerskool Warmbad gespeel. Hulle het teen Laerskool Krugerpark gewen en teen Laerskool Warmbad verloor. Hulle dring dus deur na die kwart-end rondte wat Saterdag, 9 September gaan plaasvind. Ons is baie trots op die dogters en hul afrigter en weet dat hulle Laerskool Bosveld Primary se naam sal hoog hou.

Tennis

Wannie Viviers

 

Die A en B – tennis-span het onderskeidelik wedstryde teen Laerskool Krugerpark en Laerskool Eugene Marais gespeel op 28 en 30 Augustus 2017.

 

Dit was `n besige en opwindende week vir die tennis sterre van Laerskool Bosveld Primary. Alhoewel daar gemengde welslae behaal is, het die spelers vir onverbeterlike tennis gesorg. Daar word uitgesien na die volgende liga-wedstryd teen Laerskool Nylstroom.

Gr 1’s van Laerskool Bosveld se groot avontuur

Linda Erasmus

 

Laerskool Bosveld Primary se Graad een leerders het op 25 Augustus 2017,`n heerlike uitstappie na Eventiera, wat naby Vaalwater geleë is, geneem. Die klompie was so opgewonde en kon nie wag om bus te ry en hulle padkos te verorber nie. Die kwetterende groepie was gefassineerd deur die verskeidenheid diere en die interessante inligting oor elkeen.

 

Die leerders was nie vir een oomblik stil nie en kon nie genoeg gesels oor al die snaakse diere wat hulle raakgeloop het nie. Hulle sal hierdie avontuur nie maklik vergeet nie en hulle was baie dapper om sonder hulle ouers op die uitstappie te gaan – hulle word nou vinnig groot!

Bosveld se O/10-spannetjie blink uit teen Platina

Jimmy du Plessis

 

Laerskool Bosveld Primary het verlede week teen Laerskool Platina te staan gekom en die O/10-spannetjie het puik presteer. Hulle het Platina met 127 lopies afgeransel. Carli Botha was die groot uitblinker met ‘n puik vyftigtal. Haar 53 lopies het die Bossies in staat gestel om ‘n totaal van 139 aan te teken nadat hulle die loot gewen het en besluit het om eerste te kolf. Hierna het die Bossie boulers ook nie op hulle laat wag nie en het die span van Platina vir slegs 12 lopies almal uitgeboul. Carli het uitgeblink met 5 paaltjies en Eduan Mostert het ‘n driekuns geneem (drie paaltjies met drie agtereenvolgende balle)!

 

Die volgende week se ligawedstryde sal deurslaggewend wees wanneer die Bossies teen Laerskool Thabazimbi te staan kom en daar word duim vasgehou dat al die Bossie-spanne weer sal presteer.

Brandweer besoek Bossie Kidz

Sarie Pretorius en Annie Krugel

 

>

Op Maandag, 21 Augustus het Mnr du Toit die brandweerwa van Eskom, wat by Medupi gebruik word, aan die junior Bossie Kidz kom wys by Laerskool Bosveld Primary.

 

Die Bossies was baie opgewonde om hierdie voorreg te beleef. `n Regte-egte brandweerman het ook sy brandweer uniform, wat vuur bestand is tot op 1200°C, aan die Bossie Kidz kom wys. Hulle was baie beïndruk met die uitrusting.

 

Die leerders het met oorgawe en entoesiasme aan die leersame aktiwiteit deelgeneem. Die hoogtepunt was toe die brandslang oopgedraai is en hulle die kans gehad het om dit vas te hou. Sopnat en tevrede is die Bossie Kidz huis toe, met hope goed om vir ma en pa te vertel.

Well done, Bossie Astronomers!

Duné Gouws

 

>

The second round of the annual Departmental Astronomy Quiz took place on Friday, 28 July 2017 at Laerskool Ellisras. The Bossie-team came first out of nine schools and then participated in the third round on 25 August 2017 at the University of Limpopo. Unfortunately, they did not go through to the fourth round, but Laerskool Bosveld Primary is still very proud of the team – it was a magnificent effort!

Jubaweni, jou doring!

Duné Gouws

 

>

Letterlik, was daar geen voet of hand wat van die graad 6 Oos-Kamp afgekom het sonder ‘n doring nie. Wat ‘n fees was dit nie! Laerskool Bosveld Primary se Graad 6’e het hulself gate uit geniet op die jaarlikse Oos-Kamp wat bygewoon is te Jubaweni vanaf 22-25 Augustus 2017.

 

Die leerders het verskeie aktiwiteite in groepe gedoen, wat die onderwysers sommer vinnig gewys het watter leerder kan in ‘n groep leiding neem. Laerskool Bosveld Primary bedank die ouers, wat hul kinders die geleentheid gebied het om op die kamp te gaan, asook die personeel wat die leerders vergesel het. Tot volgende jaar…

Die top 10's vir Kwartaal 2

 

Graad 4

v.l.n.r.:Agter: Annica Breedt, Zoey Elenis, Maryke Gerber, Nialize Jordan, Joshua Young.

v.l.n.r. Voor: CW Sparks, Yentl Lemboe, Nika Snyman, Elmarie Cloete, Wilmi van Rooyen.

Graad 5

v.l.n.r. Agter: Christoff Erasmus, Ashley J v Vuuren, Kailey Smith, Albert von Rönge, Kayla Human.

v.l.n.r. Voor: Leané Snyman, Dikeledi Mamafa, Divan Gerber, Anray Claasen, Kyra Breedt.

Graad 6

vl.n.r. Agter: Sorina Nortje, Rorisang Ditsela, Neo Mollo, Suné Wagner, Ruan Mostert,

v.l.n.r. Voor: John-Michael Elenis, Zuanita vd Berg, Lola Ndlovu, Wilmari du Preez, Lesedi Moloto.

Graad 7

v.l.n.r. Agter: Nicole Nel, Charles Trollip, Nicolas Louw, Deoné Barnard, Preston Modise.

v.l.n.r. Voor: Lethabo Ngoepe, Oratile Marakalala, Ronaldo Hlong, Branden Perrier, Lizelle vd Berg.

Krieket

CJ de Swardt en Lourens du Plessis

 

Laerskool Bosveld Primary het op 17 Augustus hul krieket vernuf getoets teen Laerskool Warmbad. Die Bossies het hulself puik van hul taak gekwyt om as oorwinnaars uit die stryd te tree met `n 7-paaltjie wen vir die o/11-span. Die uitblinkers was Alec Bester met `n boul-syfer van 5/13 in 5 beurte en Albert von Rönge het 37 lopies aangeteken tydens sy kolfbeurt.

 

Die eerste span het met 4 lopies skoonskip gemaak. Ruan Mostert teken 33 lopies aan en neem ook 2 paaltjies. Sheldon Morgan neem 3 paaltjies vir slegs 6 lopies en Kgotso Mohlamela, Ethan Victor en Arno Viljoen palm elkeen ook 2 paaltjies in. Laerskool Bosveld het hierdie wedstryd met 4 lopies gewen.

Bosveld skiet kolskote

M Pepler

 

Laerskool Bosveld Primary het op Saterdag, 19 September weer stof in hul opponente se oë geskop toe hulle te Waterberg Academy aan `n boogskiet kompetisie deelgeneem het. Soos gewoonlik het die Bossie meisies hul pyle laat vlieg en eerste sowel as tweede plekke ingeneem te danke aan Ilis-Mari Venter en Claudine Johnson. Die Bossies het rede vir opwinding wanneer dit by boogskiet kom.

Liga vir hokkie bokkies

Retha Brandt

 

Laerskool Bosveld Primary se hokkie dogters het op Dinsdag, 15 Augustus 2017 teen Laerskool Nylstroom gespeel. Alhoewel daar gemengde uitslae behaal is, het die spanne baie goed gedoen.

 

Die o/13-A hokkiespan het hulle wedstryd gewen. Ons is baie trots op die dogters en hul afrigter en weet dat hulle Laerskool Bosveld Primary se naam hoog hou.

Bossie-sokker meet kragte met Marken

C Majadibodu

 

Op 15 Augustus 2017, het Laerskool Bosveld Primary se vier sokker spanne teen Marken gaan meeding. Marken se 0/10-span het 2-0 gewen. Dieselfde o/11-span het teen die Bossies meegeding. Die Bossies het hulle staal gewys en 2-0 gewen.

 

Die tweede span het 2-0 verloor. Die skool se vlag draer-span het teen Marken voorgeloop, maar toe die eindfluitjie blaas was hulle gelykop. Dit was `n heerlike spanningsvolle dag en die Bossies beplan om amok te maak hierdie sokker seisoen.

Bossie landloop bo!

Erika Swanepoel

 

Sestien van Laerskool Bosveld Primary se landlopers het aan die Limpopo Landloop Kampioenskappe gaan deelneem op Saterdag, 5 Augustus 2017. Friedrich Neethling het `n skitterende tyd gehardloop en behaal `n eerste plek in sy ouderdomsgroep vir seuns onder-8.

 

Elf landlopers het deurgedring na die volgende rondte en is gekies as deel van die Limpopo-span wat aan die SA’s gaan deelneem op 9 September 2017, te Potchefstroom.

 

Baie geluk aan die atlete en sterkte vir die voorbereiding vir die byeenkoms. Die Skool is baie trots op die landlopers.

Tennis

W Viviers

 

Vroegdag het die A en B –span na Modimolle vertrek vir liga-wedstryde. Laerskool Bosveld Primary het teen Laerskool Julian Miller, Laerskool Marble Hall en Laerskool Vaalwater gespeel. Dit was `n opwindende dag met aanskoulike tennis.

 

Beide seuns-spanne het vir onverbeterlike tennis gesorg en tree as wenners uit die stryd. Hulle het Laerskool Marble Hall en Laerskool Vaalwater gewen. Die dogter-spanne het net sulke mooi tennis gespeel.

Daar word uitgesien na ons volgende liga-wedstryd teen Laerskool Krugerpark.

Hokkie Bokkies vaar goed

Retha Brandt

 

Laerskool Bosveld Primary se hokkie bokkies het op Dinsdag, 1 Augustus 2017 en Donderdag, 3 Augustus 2017 met hulle liga wedstryde begin. Alhoewel daar gemengde uitslae behaal is het die spanne baie goed gedoen. Die o/13 A hokkiespan het hulle wedstryde teen Laerskool Ellisras en Laerskool Thabazimbi gewen. Ons is baie trots op die dogters en weet dat hulle Laerskool Bosveld Primary se naam hoog hou.

Tennis liga begin

W Viviers

 

Die eerste ligawedstryde het Woensdag, 2 Augustus 2017, afgeskop teen Laerskool Warmbad op Laerskool Bosveld se tuisveld. Die span is met groot opgewondenheid is die span aangekondig wat moes meeding teen Laerskool Warmbad.

 

Die A-span het sommer van die begin af hulle staal gewys. Manu van Seventer en Sameul Leahy het skoonskip gemaak met hulle enkel- en dubbel-spel. Tamia Oakes en Leané Snyman wen ook hul enkel-spel onderskeidelik. Tia Oakes en Leané het hulle dubbel-spel gewen.

 

Die B-span het as wenners van die dag uitgetree. Skouspelagtige tennis was by hierdie spelers te sien. Wihann Smith speel gelykop. Daniel Leahy en Edward Johnson tree as kampioene uit die stryd. Altwee dubbel-spel pare het gewen. Wilmi van Rooyen wen haar wedstryd met mening. Wilmi van Rooyen en Precious Mamabolo maak hul merk as dubbel-spel koninginne van die dag.

 

Baie geluk aan die spelers wat die seisoen op so `n positiewe noot afskop.

Bossies hou ‘n dinkskrum

JG Brink

 

Op Woensdag, 2 Augustus het skaak spelers van Laerskool Hardekool en Laerskool Koedoeskop opgetrek na Laerskool Bosveld Primary om ‘n lang staande tradisie te eerbiedig. Ten spyte van die algehele goedgesindheid van die sport kon enige toeskouer die intense kompeterende atmosfeer aanvoel. Die skaak spelers het hard gekonsentreer om die wen-skuif te maak en hul opponent te fnuik. Al drie die betrokke skole se afrigters het hul opgewondenheid uitgespreek oor die gretige deelname van jong bloed in hierdie sport en hoop om die tradisie te onderhou in komende jare.

Bossie Boogskuts uitmuntend

M Grové

 

Divan Gerber in aksie

Laerskool Bosveld Primary se skuts het aan 'n Interskole kompetisie deelgeneem te Lephalale Primary. Die skuts was knap met hul boë en Ilis-Mari Venter behaal 'n 1ste plek onder junior dogters, Tristan Rautenbach 'n 2de plek onder junior seuns en Willie Boshoff 'n 3de plek onder juniors seuns. Baie geluk Bossies!

Goeie begin vir O/11-Krieketspan

J du Plessis

 

Laerskool Bosveld Primary se krieketspanne het op 1 en 3 Augustus, met vanjaar se liga bepalings begin toe hulle teen Laerskool Krugerpark te staan gekom het. Dit was ‘n rondte waarin die tuisspanne met die louere weggestap het in al drie die ouderdomsgroepe wat die twee skole teen mekaar meegeding het. Die 1ste - en 2de spanne het albei op Potgietersrus verloor, terwyl die O/11-span op hul tuisveld gewen het.

 

Vir Laerskool Bosveld was die groot ligpunt van hierdie rondte se ligawedstryde ongetwyfeld die O/11-spannetjie se oorwinning teen Krugerpark op hul tuisveld. Die Bossies moes hard werk vir die oorwinning nadat hulle ‘n kleinerige telling gehad het om te verdedig. Die Bossies het slegs 83 lopies aangeteken toe hulle besluit het om eerste te kolf. Dit sou dus ‘n spesiale vertoning van die boulers verg om die wedstryd te wen, en hulle het beslis nie teleurgestel nie. Krugerpark is vir slegs 59 lopies uitgeboul en die Bossies het met 24 lopies gewen. Henry Barnard (5 paaltjies vir slegs 8 lopies) en Alec Bester (3 paaltjies vir slegs 5 lopies) was die uitblinkers met die bal en met die kolf het Wihann Smit uitgeblink met 35 lopies.

 

Daar word met groot verwagting uitgesien na ‘n moontlike uitspeelwedstryd later in die seisoen vir hierdie O/11-spannetjie. Mnr. Lourens du Plessis en Mnr. Hanro Human, die twee afrigters, is ook baie in hul noppies met hul span se goeie begin en hoop om die skool se naam hoog te hou vorentoe.

Laerskool Bosveld Primary lewer `n voorsitter

C Brandt

 

Een van Laerskool Bosveld Primary se student menere, ene meneer Pepler, het vroeër verneem dat hy as Limpopo laerskole Gholf-voorsitter verkies is. `n Algehele vergadering was gehou op Vrydag, 28 Julie 2017, waartydens die agenda en liga vir die jaar bepaal was. Die jong meneer hoop om die liga binne die provinsie te vestig en om veral die jonger dames in die buitelug in te lok.

Bossie Landloop kook

Erika Swanepoel

 

Op Saterdag, 29 Julie 2017, het die landlopers van Laerskool Bosveld Primary aan die laaste liga-byeenkoms van die seisoen, te Stadford Lake College by Magoebaskloof deelgeneem.

 

Die Bossie-landlopers het puik presteer. Friedrich Neethling het `n eerste plek behaal in die seuns o/8 afdeling. Nika Snyman het `n derde plek behaal in die dogters o/9 afdeling. Verskeie goeie plekke is deur die ander landlopers behaal. Baie geluk met puik uitslae die afgelope naweek.

 

Die landlopers neem Saterdag, 5 Augustus 2017, deel aan die Limpopo Kampioenskappe. Baie sterkte aan die Bossie-landlopers.

Tennis skop af by Laerskool Bosveld Primary

Wannie Viviers

 

Die Bossie-tennisspelers het op 29 Julie 2017, `n baie suksesvolle tennis-kliniek by Laerskool Bosveld Primary bygewoon. Die spelers het al vroegoggend gestewel (getekkie) en gespoor by die skool se tennisbane aangemeld. Roland en Patricia (professionele spelers en afrigters) van Mokopane het die spelers opgelei in die fyner tegnieke van tennis. Die Bossie-spelers het baie nuwe tegnieke en vaardighede aangeleer en sommer hope pret gehad met die inoefening.

 

Die spelers sien uit na `n opwindende tennisseisoen en gaan die liga met ywer aandurf.

Waardes

Karin Meyers

 

Laerskool Bosveld Primary is ‘n trotse skool waar die leerders, personeel en ouers hul waardes uitleef. Op akademiese gebied wys die Bossies eerlikheid en verantwoordelikheiddeur op te let in die klas, hard te leer en huiswerk getrou te doen. Op die sportveld en op kultuurgebied toon die Bossies volharding deur puik resultate en vertonings uit die boonste rakke. Om vir mekaar, vir die skool, die dorp en die pragtige land om te gee is seker een van die mooiste waardes wat die Bossies nastreef deur die manier waarop hulle vriendelik groet, hulp aanbied en enige iemand laat welkom voel by hul pragtige skool. Sonder die nodige respek sou dit vir geen Bossie moontlik gewees het om deel van ‘n gelukkige skoolgemeenskap te wees nie. By Laerskool Bosveld Primary word skoolembleme gerespekteer, asook landsembleme, skoolreëls en respek vir mekaar.

 

Bossies wat die waardes uitleef word beloon deur ‘n kleurvolle plakker wat die waarde uitbeeld. Wanneer hy of sy dan al vyf die waardeplakkers ontvang het, ontvang die Bossie-leerder dan ‘n waardeknopie. Vir elke waarde wat hy of sy aanhou uitleef, ontvang die Bossie-leerder aparte knopies wat die spesifieke waarde uitbeeld. ‘n Bossie wat die waardes uitleef kan dus aan die einde van die jaar 6 waardeknopies hê as beloning. Ja man! Bossies kan!

Bosveld skop af met goeie Kriekettoer

J du Plessis

 

Krieket

Laerskool Bosveld Primary het vanaf 4-7 Julie hulself voorberei vir die nuwe Krieketseisoen met ‘n baie suksesvolle toer na Jubaweni. Die 1ste- O/11 spanne het albei met positiewe resultate teruggekeer wat sommer baie bemoedigend is vir die ligawedstryde wat in die derde kwartaal plaasvind.

 

Die O/11-span het drie uit vier wedstryde gewen. Die 1ste span het mooi teruggekom en drie wedstryde in ‘n ry gewen nadat hulle die eerste twee wedstryde verloor het. Dit is veral in die laaste wedstryd waar die 1stes hul staal gewys het in ‘n spannende wedstryd teen Laerskool Pam Brink van Springs. Dit is hierdie soort karakter wat nodig gaan wees in die opkomende ligawedstryde.

 

Laerskool Bosveld sien uit na ‘n goeie seisoen en hoop dat die seuns se harde werk beloon sal word soos wat die geval was op die bogenoemde toer.

Bosveld O/10’s in semi-finaal

Marno Pepler

 

RugbyRugby

Laerskool Bosveld Primary se O/10 rugbyspan het op Saterdag, 24 Junie, te Warmbad deelgeneem aan die Limpopo semi-finale. Alhoewel die Bossies nie met `n oorwinning kon wegstap teen Laerskool Pietersburg Oos nie, het die spannetjie `n eerbare veggees getoon in `n baie taai wedstryd. Die O/10 span van Laerskool Bosveld Primary en hul afrigters sien reeds uit na volgende seisoen en hoop om volgende keer die beker huis toe te bring.

Die Bossies doen dit weer!

Meraai Grové

 

Boogskiet

Die Bossies doen dit weer!! Laerskool Bosveld Primary is baie trots op Ilis-Mari Venter en Tristan Rautenbach wat gekies is tot die Senior Limpopo span wat in Oktober in die Kaap gaan deel neem vir boogskiet.

Redaksielede maak pizzas

Mercia Joubert

 

redaksielederedaksielede

Groot was die afwagting met die besoek van Laerskool Bosveld Primary se redaksielede by Domino’s Pizza op Dinsdag, 13 Junie 2017. Na `n hartlike ontvangs waar elkeen sy eie “in-opleiding-voorskoot” en “sjef-hoed” ontvang het, het die leersessie `n aanvang geneem. Talle foto’s is geneem, met giggellaggies wat kort-kort tussen die aandagtige konsentrasie gehoor is – nie so maklik om die vorm van `n pizza akkuraat na te boots nie.

 

Grootoog is daar gewag dat die pizzas uit die oond moes kom, waaraan later heerlik gesmul is. Elke redaksielid is met ‘n pragtige sertifikaat beloon vir volgehoue passie en toewyding; danksy Domino’s se passievolle personeel.

Bossies se eie “master chef” en kokkedoortjies

Colette du Plessis

Grade RGrade RGrade R

 

Groot opwinding het geheers tydens Laerskool Bosveld Primary se Gr. R. klas besoeke. Die hoof, Mnr Pretorius het net so lekker saam met die leerders gebak -en- brou. Die week se tema was: Smaak en reuk en almal het gesmul aan hul heerlike, self versierde kolwyntjies. Die leerders kon dit selfs regkry om Mnr Pretorius te oorreed om 'n Bloubul voorskoot te dra (en hy is 'n groot Leeu ondersteuner). Welgedaan Bossie Gr. R’e! So leer ons speel-speel.

Landlopers presteer

Lorize van Wyngaardt

 

Landloop

Die afgelope naweek het die landloop atlete aan die Inter-Provinsiale kompetisie te Bronkhorstspruit deelgeneem.

 

Die Bossies moes omtrent ver ry om te gaan hardloop. Dit was `n bitter koue oggend, maar dit het atlete nie verhinder om deel te neem nie. `n Allemintige 196 atlete het ingeskryf.

 

Die kompetisie was taai en elke atleet het alles uitgehaal tydens die wedloop. Laerskool Bosveld Primary se atlete het goeie prestasies behaal en Friederich Neethling het algeheel negende geëindig. Dit is voorwaar goed vir hierdie jong klong wat hard met moeder aarde kennis gemaak het tydens die wedloop.

Limpopo netbal kampioenskappe

Wiidke Cronk

 

Netball

Op 2 Junie 2017, het Laerskool Bosveld Primary se onder-11 en onder-13 netbal-dogters aan die Limpopo Netbal Kampioenskappe te Polokwane (Pietersburg) deelgeneem.

 

Die dogters sluit die netbalseisoen op ‘n hoë noot af. Die onder-13 span behaal ‘n derde plek in hulle “pool” en die onder-11 span behaal ‘n vierde plek op die kampioenskappe. Ons is trots op elke dogter, dankie vir julle harde werk die seisoen.

Bossies wys hoe!

M Pepler

 

MiniNetballRugby

Laerskool Bosveld Primary het op Saterdag, 27 Mei 2017, `n aangename mini-netbal en –rugby dag aangebied. Ouers het vroeg opgestaan en uit elke uithoek van Limpopo gekom om vir boetie of sussie te ondersteun. Die dag was gevul met heerlike somer weer, kinder-laggies en opgewonde ouer stemme wat hul kinders aanmoedig langs die baan. Die OOV se Bossie-mammas het heerlike kos gemaak en sodoende verseker dat almal se mae vol bly.

 

Laerskool Bosveld Primary se kinders en ouers sien reeds uit na volgende jaar se seisoen, en bedank hul almal wat `n bydrae gemaak het om vanjaar so `n groot sukses te maak.

Bossie-boogskuts tops!

M Grové

 

Archery

Laerskool Bosveld Primary se skuts het die afgelope naweek aan die jaarlikse Provinsiale kompetisie deelgeneem by Lephalale Primary.

 

Die skuts was slaggereed met pyl en boog en het hul beste gegee op die baan. Tristan Rautenbach wen 1ste plek onder junior seuns en verbeter die Limpopo rekord. Willie Boshoff wen 'n 3de plek onder junior seuns.

 

Ilis-Mari Venter wen die 1ste plek onder junior dogters en verbeter die Limpopo rekord. Sy is ook die algehele wenner van die dag uit al die junior en senior spanne met `n puntetelling van 291 uit 300.

 

Welgedaan Bossie Boogskiet!

Graad een ope dag by Laerskool Bosveld Primary

L Trichardt

 

OpedagOpedag

Laerskool Bosveld Primary het hul Gr R en Gr 1 ope dag gehou op 24 Mei 2017, by die skool. Die kleuters van Hansie en Grietjie, Kammaland, Sonskyn Paradys en Laerskool Bosveld Primary het die spoggeleentheid bygewoon. `n Betowerende “Frozen” sneeu-wêreld in die skoolsaal het op die 130, opgewonde kleuter-gesiggies gewag.

 

All the learners were very excited to build their own Olaf snowman and decorate their own cupcakes, singing along with Frozen’s Elsa and Anna’s song.

 

Die kleuters het geknip en geplak, gebak en brou en heerlik saam met die juffrouens en maats gekuier. Spur het die kleuters verras met `n burger en hulle het behoorlik weggelê!

 

Thank you to each person that made this day a huge success. Laerskool Bosveld Primary hope to see all the learners next year!

Bobaas boogskuts

Marno Pepler

 

Archery

Laerskool Bosveld Primary se boogskiet-span het weereens skoonskip gemaak onder hul opponente te Hoërskool Ellisras, op 13 Mei 2017.

 

Ilis-Mari Venter was oudergewoonte die voorbok en het met die junior-meisies titel weggestap. Tristan Rautenbach, die Bosveld se opkomende Robin Hood het ook sy merk gemaak en weggestap met die junior-seuns se goue medalje.

 

Laerskool Bosveld Primary het hul dankbaarheid te kenne gemaak vir die goeie aanbieding van die kompetisie deur Hoërskool Ellisras.

Landlopers trotseer koue weer

Lorize van Wyngaardt

 

Landloop

Laerskool Bosveld Primary se landloop atlete het op 13 Mei 2017, deelgeneem in Polokwane. Die atlete moes koue reënweer trotseer en ten spyte van gure weer, het Friederich Neethling ‘n eerste plek behaal in sy item. Al die ander atlete het ook baie goed gevaar in hulle items. Laerskool Bosveld Primary is trots op die landloop atlete wat so goed doen en voorspel `n goeie landloop-seisoen.

Bossies hou koers

Marno Pepler

 

Rugby

Laerskool Bosveld het gaste ontvang op 11 Mei 2017. Laerskool Krugerpark het diep in die bosveld kom kuier by die skool.

Die dag sal onthou word as `n dag van ongekende sportgees-kompetisie waar byna alle tellings naelskraap dieselfde was. Die O/10 span van Bosveld Laerskool Primary het veral opslae gemaak met hul taai wedstryd, maar het eindelik die wa deur die drif getrek met `n eindtelling van 10-5.

Die res van Laerskool Bosveld Primary se rugbyseisoen beloof om nog meer boeiend te wees.

Bossie-boogskuts se kokers kook!

Marno Pepler

 

Archery

Op Saterdag, 6 Mei 2017 het Laerskool Bosveld Primary `n Skaaploop boogskiet-kompetisie aangebied. Daar was `n Koedoe en Rooibok as prys beskikbaar, biltong geskenkbewys en ook `n spa-behandeling. Die deelnemers kon pyle skiet en die persoon met die meeste punte in die eindrondte het gewen. Koedoe drol-spoeg is aangepak deur `n paar brawe manne en kinders. Die Koedoe drol-spoeg is gewen deur Derrick en Bart Grove.

Die Bossies het gewys waartoe hul in staat is op hul tuis grond en het die opponente laat bontstaan. Ilis-Mari Venter het skoonskip gemaak met haar nuwe persoonlike beste sowel as `n nuwe rekord vir Limpopo junior meisies.

Die wenner van die Skaaploop kompetisie is ook reeds bekend gemaak en Wayne Mundirwa was die gelukkige wenner van `n skaapkarkas. Die koedoe en rooibok is gewen deur Ilis-Mari Venter, die geskenkbewys van Connie’s plants is gewen deur Cobus Nelson.

Volgende jaar doen die skool dit nog beter!

Bossies praat by ATKV - eerste rondte

Colette du Plessis

 

Redenaars

Nie minder nie as 6 redenaars van Laerskool Bosveld Primary het Vrydag, 5 Mei aan die eerste rondte van die ATKV- redenaars deel geneem. Met interessante onderwerpe soos: Skoolgaan is maar 'n goggarige gedoente en Tegnologie kan nooit die rol van klei vervang nie, het die bossie behoorlik geredeneer.

Dit was groot pret en die uitslae sal binnekort beskikbaar wees.Dit was groot pret en die uitslae sal binnekort beskikbaar wees.

Bossies se eerste landloop liga

Lorize Marx

 

Landloop

Die afgelope naweek het Laerskool Bosveld Primary hulle eerste landloop-liga bygewoon te Settlers. Die atlete het goed gevaar en ons sien baie uit na die seisoen wat voorlê. Ons wens elke landloop atleet sterkte toe vir die seisoen.

Laerskool Bosveld Rugby proewe

Ettienne Venter

Rugby

Op Dinsdag 2 Mei, het 4 van die Bossie-seuns rugby-proewe gaan speel te Laerskool Nylstroom. Die o/12 seuns het eerste gespeel waar Albert du Plessis die Bossies verteenwoordig het. Dit was 'n harde wedstryd en die spelers moes hulle beste uithaal.

Die o/13 seuns het daarna kragte gemeet waar Willy Mojela, Koketso Ledwaba en Robbie de Klerk die skool verteenwoordig het. Die spelers het goed gespeel en hul kant gebring. Willy Mojela is gekies om deel te neem aan die volgende rondte proewe wat op 13 Mei 2017 te Pietersburg sal plaasvind.

Laerskool Bosveld Primary is trots op elke speler wat aan die proewe deelgeneem het!

Birthday Wishes

Bossie boogskuts

Michelle Grobler

 

BoogskietBoogskiet BoogskietBoogskiet

Die Boogskuts van Laerskool Bosveld Primary het Saterdag, 22 April 2017 deelgeneem te Waterberg Akademie in Vaalwater. Dit was ‘n suksesvolle dag vir die Bossies.

Die Bossies het ‘n algehele 3de plek bekom. Tristan Rautenbach het 3de geëindig in die “Rising Star” Goud Kategorie en Ilis-Mari Venter het ‘n 2de plek gekry in die “Rising Star” Rooi Kategorie.

Ilis-Mari Venter het ook ‘n 1ste plek behaal vir die Junior Meisies en Tristan Rautenbach het ook ‘n 1ste plek verkry vir Junior Seuns, Brandon Perrier verkry 2de plek vir Junior Seuns.

Tristan Rautenbach verkry ‘n globale 3de plek vir die kompetisie. Dit was ‘n uitmuntende geleentheid vir die boogskuts om hulle Bossie-staal te wys. Die volgende kompetisie is die 6de Mei 2017 by Laerskool Bosveld Primary.

Bossies se Netbal-dogters skitter op Super 8.

Wiidke Cronk

 

Netbal

Die afgelope naweek van 21-22 April het Laerskool Bosveld Primary se rugby en netbal spelers aan die jaarlikse Super 8 toernooi in Pietersburg deelgeneem.

Laerskool Bosveld Primary se netbal-dogters het behoorlik geskitter op die baan, drie van ons spanne behaal ‘n derde plek in hul ouderdomsgroep en die netbal behaal ‘n algehele derde plek op super 8.

Ons is baie trots op al ons netbal-dogters, julle was puik. Dankie aan elke afrigter en speelster se harde werk, ons het die vrugte gepluk!

Bossie-manne takel Polokwane

M Pepler

 

Rugby

Die afgelope naweek van 21 en 22 April, het Laerskool Bosveld Primary se rugbyspanne opgetrek na Polokwane om deel te neem aan die Super 8 toernooi wat elke jaar daar aangebied word deur Noordskool.

Ten spyte van strawwe kompetisie het die Bossies hul beste gelewer. Die o/11-span het die beste gevaar en het verseker `n rede om breëbors rond te stap. Die rugbyspelers het verskeie nuwe tegnieke waargeneem en gaan haard oefen om dit toe te pas. Intussen berei die Bossies voor vir `n moeilike, dog opwindende seisoen wat voorlê.

Mini-netbal kook

Nikita Botha

 

MiniNetballMiniNetball

Laerskool Bosveld Primary se Mini-Netbal en Mini-Bulletjie Rugby, het hulle seisoen begin op Saterdag, 22 April te Laerskool Nylstroom.

Die seuns en dogters het hard gewerk van voor die vakansie af en was kinderlik opgewonde om hulle nuwe vaardighede vir hul pappas en mammas te wys.

Albei groepe het pragtig gespeel en die dag ten volle geniet. Die kinders het baie geleer uit hul wedstryde en sien uit na hul oefeninge om hierdie nuwe idees toe te pas.

Elke ouer kan trots wees op hul kind wat goeie sportmanskap en respek betoon het op die sportveld. Ons is baie trots op ons Bossies en sien saam met hulle uit na die res van ons Mini-Netbal en -Bulletjie rugby seisoen wat voorlê.

Laerskool Bosveld Primary Junior Koor

Retha Powell

 

Koor

Laerskool Bosveld Primary se Junior Koor het Saterdag, 25 Maart by die NG-Kerk Wes se Maroela fees opgetree. Die leerders het pragtig gelyk in hulle rooi serpe en hulle stemme was betowerend binne die kerk. Baie dankie aan elke leerder wat deelgeneem het, julle het ons skool se naam hoog gehou.

Bossie Atlete blink uit

Erika Swanepoel

 

Atletiek

Agt van Laerskool Bosveld Primary se atlete het aan die Limpopo Atletiekbyeenkoms deelgeneem op 11 Maart 2017. Die Bossie atlete het hulle goed van hulle taak gekwyt en die volgende atlete het deurgedring na die SA’s:

 

Charlize du Plessis wen die 200m hekkies – dogters o/13 .

Tebogo M’Khomazi kom tweede in die 200m hekkies – seuns 0/13.

Wikus van Schalkwyk kom tweede in die hoogspring – seuns 0/10.

 

Hierdie drie atlete kwalifiseer ook om aan die SA’s deel te neem wat in Potchefstroom plaasvind op 25 Maart 2017. Baie sterkte, die skool is trots op julle!

Bossies gaan groot

M Pepler

 

NetbalRugby

Op Saterdag, 11 Maart 2017, het Laerskool Bosveld Primary se Netbal -en Rugbyspanne opgetrek na Mokopane om kragte te gaan meet te Laerskool Krugerpark.

 

Bosveld se rugbyspanne het te staan gekom teen Polokwane se Noordskool, en dit was tydens dié kragmeting dat die onder 9 Bosveld-span hulself bewys het met `n puik resultaat van 17-5.

 

Laerskool Bosveld Primary se Netbalspanne het die kersie op die koek geplaas. Hulle het 21 wedstryde gewen. Hierdie veteraan-Netbalspelers het die baan deurgaans verower en wen die meeste van hul wedstryde. Laerskool Bosveld Primary se afrigters is gemotiveerd, positief en het beslis rede om uit te sien na `n opwindende en suksesvolle seisoen.

Departementele aanstellings by Laerskool Bosveld Primary

Annie Krugel

 

Staff

Na `n lang gewag is Me Santjie Wolstenholme aangestel as DPS en Me Karin Meyers as DPO by Laerskool Bosveld Primary, effektief vanaf Januarie 2017. Hierdie twee dames los al `n paar jaar af in die bogemelde poste en doen uitmuntende werk. Die Bossies is trots op die twee flinke dames.

Interskole Boogskiet

Annie Krugel

 

Boogskiet

Laerskool Bosveld Primary is verteenwoordig deur twee formidabele boogskuts te Rustenburg op 11 Maart 2017, wat hul goed van hulle taak gekwyt het by die Interskole byeenkoms. Tristan Rautenbach het sy bes probeer en Ilis-Mari Venter het `n tweede plek onder die junior dogters behaal. Haar totaal was 276.

Gauteng boogskiet kompetisie

 

Boogskiet

Ilis-Mari Venter van Laerskool Bosveld Primary het die afgelope naweek in Gauteng te Riebeeckstad skool deelgeneem aan `n boogskiet kompetisie. Sy het weereens as wenner van die junior dogters uitgetree. Jy is voorwaar `n Bossie om op trots te wees!

Spogbyeenkoms by `n Spogskool

Mercia Joubert

 

SportbyeenkomsSportbyeenkoms

Vir Laerskool Bosveld Primary was dit Saterdag, 4 Maart 2017 `n eer en `n voorreg om as gasheer- skool vir 11 skole tydens streek 1 se Rugby- en Netbaldag op te tree. Nie net is die hoofde, afrigters en beamptes op glansryke wyse ontvang nie, maar die besoekende skole was dit eens dat die skool se terrein `n lushof is, met uitmuntende fasiliteite.

 

Laerskool Bosveld Primary se sportspanne het ook uitstekende welslae behaal. Die rugbyspanne het 6 van hulle 7 wedstryde gewen en die netbal behaal 17 oorwinnings uit 26 wedstryde en speel in twee wedstryde gelykop.

 

Om so `n skitterende dag aan te bied sal egter onmoontlik wees sonder die oop hand van die borge, u reuse aandeel en positiewe gesindheid word opreg waardeer – kinders kan net floreer in sport, as daar positiewe ondersteuning van ouers, afrigters en die gemeenskap is. Die skool bedank elkeen wat hard gewerk het om `n sukses te maak van die heuglike dag.

Bossie Kidz raak kreatief

Annie Krügel

 

Bossie KidzBossie Kidz

Die Bossie Kidz het hulle verf talent uitgetoets op 27 Februarie 2017, by Laerskool Bosveld Primary se nuwe lapa. Die leerders moes elkeen `n spoelklip bring en dit verf. Die organiseerder het verskeie voorbeelde aan die leerders gegee en elkeen kon sy of haar kreatiwiteit na hartelus uitleef

 

Die leerders het hulself gate uit geniet en hul kunswerk is trots huis toe geneem. Die leerders is bederf met `n ysie na die tyd. Dankie aan elke leerder wat die skool se waardes uitleef by die Bossie Kidz.

Bossies kan redeneer

Colette du Plessis

 

Redenaars

Voor links na regs: Anneme Stander, Janco Sparks, Joshua Young, Helene Besseling.
Agter links na regs: Ronaldo Hlong, Divan Gerber, Branden Perrier, Ruan Mostert, Daniel Leahy.

Op 21 Februarie 2017, het Laerskool Bosveld Primary hulle jaarlikse Redenaarsaand gehou. Die leerders was baie goed voorbereid en 'n volle 46 redenaars het deelgeneem.

 

Die AKTV onderwerpe was onder andere reënboog, goggas, note, blou ens., en daar was behoorlik geredeneer van Gr. R tot Gr.7. Baie geluk aan al ons Bossies met jul hoë standaard van toesprake en geluk aan ons wenners.

TOETS DATUMS

 

28 Februarie 2017 - NWT/NT

2 Maart 2017 - Geografie

7 Maart 2017 - Tegnologie

9 Maart 2017 - LV, LO

14 Maart 2017 - Skeppende Kuns

16 Maart 2017 - Geskiedenis

Boogskiet groei

Meraai Grové

 

Boogskiet

Op die foto is Casandra Gameiro wat aan haar eerste kompetisie deelgeneem het.

LDie boogskiet by Laerskool Bosveld Primary groei elke jaar van krag tot krag en 2017 is geen uitsondering nie.

 

Die Bossies het Saterdag, 11 Februarie 2017, aan die eerste Interskole kompetisie vir die jaar deelgeneem by Hoërskool Ellisras.

 

Soos gewoonlik het die Bossie leerders hulle staal gewys en `n derde plek losgeslaan uit die vyf skole wat deelgeneem, het Ilis-Mari Venter is aangewys as die beste junior dogter van die dag. Tristan Rautenbach is aangewys as die beste junior seun van die dag.

 

Hou so aan Bossies, julle maak ons trots.

Bossies presteer by Streek Atletiekbyeenkoms

Erika Swanepoel

 

Atletiek

Laerskool Bosveld Primary se Atletiekspan neem Vrydag, 3 Februarie 2017 deel aan die Streek Atletiekbyeenkoms deel te Ellisras Laerskool.

 

Die Bossies behaal agt eerste plekke, agt tweede plekke en vier derde plekke. Nege atlete kwalifiseer om aan die Limpopo Atletiek Kampioenskappe op 10 Maart 2017 te Polokwane, deel te neem. Die skool se ster is Tebogo M’khomazi, wat as atleet van die dag aangewys is.

 

Baie geluk aan die atlete en sterkte met die voorbereiding vir die byeenkoms. Laerskool Bosveld Primary is baie trots op al die atlete wat deelgeneem het.

Bossie atletiek

Charlie Brandt

 

Atletiek

Vrydag, 3 Maart 2017 was `n heerlike dag vir die jaarlikse Area Atletiekbyeenkoms te Mogolklub. Atlete van die Palala area het deelgeneem aan die byeenkoms.

 

Die Atletiekbyeenkoms is aangebied deur Laerskool Bosveld Primary en Juffrou Erika Swanpoel se bestuursvernuf het weereens gesorg vir `n uitstekende byeenkoms. Laerskool Bosveld Primary se atlete het 19 eerste plekke, 13 tweede plekke en 15 derde plekke behaal. Daar het 25 atlete deurgedring na die Streeksbyeenkoms wat op Vrydag, 10 Maart by Ellisras Laerskool gaan plaasvind.

 

Baie sterkte aan die Bossies – die skool is trots op julle!

Student Council Camp 2017

Deoné Barnard

 

LeierskampLeierskampLeierskamp

Laerskool Bosveld Primary’s student council went on their annual camp from 20-21 January 2017 at Sebe Sebe Lodge. Team building was the main purpose and they also had lots of fun.

 

Met die aankoms was dit tyd vir `n verkwikkende swem-sessie, nadat elkeen hul kamer gevind het. ’n Bosveld-vuur het `n aangename atmosfeer geskep vir `n heerlike saamkuier en ken-mekaar geleentheid.

 

Saterdag was ‘n dag propvol verskeie speletjies en spanbou aktiwiteite wat deur almal benut was om mekaar beter te leer ken en dit was hope pret.

 

The Student council members would like to thank the staff from Sebe Sebe Lodge and our student council guardians for this wonderful experience. We’re looking forward to serve in 2017!

Borge en Borgskappe

  • PanarottisAtletiek Medaljies
    Margie
  • At Sold Atletiek Gazebo
    Arona
  • A J VerkoelingAtletiek Gazebo
    Jannie
  • Sasko Atletiek Sambrele, Gazeb
    Robert
  • M Kukard Atletiek - Cash
  • Wild Afrika Security Atletiek - Wag vir die nag
  • T Taljaard Rugby - Rugby hemde vir mans
  • PanarottisRugby sakke vir 1st span
  • NG Verkoeling Rugby - 1st span Broeke
    R.J van Vuuren
  • Martin Verwey Boogskiet - Herstel van butts
  • Martin Verwey Boogskiet - Printer, Sak, Kamera
  • Vincent PerrierBoogskiet - Instruksie bord
  • Nico Kay Boogskiet - Waarskuwings borde
  • Ellisras Brandstof Boogskiet - Cash
  • CyrilTerreine - Loop pad vir kinders
  • Anders Computing Algemeen - 20 wi-fi stokkies
    Harm
  • Kliq Algemeen - uncapped Internet
  • Postnet Algemeen - Bind van GR 4,5,6,7,1 boek
  • Srix Zone Huiswerkboek
  • Ford Huiswerkboek
  • MogolHuiswerkboek
  • Toyota Huiswerkboek
  • KumanHuiswerkboek
  • Mogol Klub Huiswerkboek
  • Exxaro Huiswerkboek
  • Mica Huiswerkboek
  • Zumba Huiswerkboek
  • Experi MHuiswerkboek
  • Kinderkenetika Huiswerkboek
  • Wortel Springkasteel Huiswerkboek
  • Green Apple Huiswerkboek
  • Avbob Huiswerkboek
  • Panarottis Personeel - Hemde
    Wayne
  • Die potLeerlingraad - Geskenkbewyse
    Yolanda
  • Marelize v SeventerLeerlingraad - Geskenkbewyse
  • PanarottisLeerlingraad - Pizza's vir leerlingraad
    Wayne